Европа
Во Москва 75.000 луѓе во поворката на Денот на народното единство
Околу 75 илјади луѓе учествуваа во вторникот во руската престолнина Москва во поворката на повод Денот на народното единство што истовремено претставуваше поддршка за претседателот Владимир Путин и политиките на Кремљ особено во однос на кризата околу Украина, со што сосема го засени сличниот собир кој истовремено го организираа ултранационалистите.
Околу 75 илјади луѓе учествуваа во вторникот во руската престолнина Москва во поворката на повод Денот на народното единство што истовремено претставуваше поддршка за претседателот Владимир Путин и политиките на Кремљ особено во однос на кризата околу Украина, со што сосема го засени сличниот собир кој истовремено го организираа ултранационалистите.
Според процените на московското министерство за внатрешни работи, под мотото „Единствени сме“ речиси 75 илјади луѓе дефилираа по главната артерија на престолнината на Русија заедно со претставниците на главните политички партии, меѓу кои владејачката Единствена Русија, Комунистичката партија и ултранационалистичката ЛДПР.
Со транспарентите „Заедно сме посилни“, „Во единството е нашата сила“, „Ние сме многу, Татковината е една“, „Не на фашизмот“, „Путин, ние сме со тебе“ и „Мечката е стопанот на тајгата“, со руски знамиња и свети андреевските портокалово-црни ленти, симбол на советската победа во Втората светска војна кои сега ги носат проруските и бунтовници во источна Украина, претставниците на многу организации, движења и партии ја изразија својата поддршка на политиките на Кремљ во однос на кризата во соседна Украина, пренесуваат светските агенции.
„Обединети сме со браќата од новата Русија (Новосрусија, назив кој сега се употребува за рускојазичните области во Украина, инаку потекнува од XVIII век за истите области каде што населението се чувствува со руско етничко потекло –з.р.)“, рече на говорницата, Сергеј Миронов, челник на партијата Праведна Русија.
Овој собир кој има поддршка од официјалните руски власти, сосема го надмина традиционалната поворка на руските ултранационалисти кои главно се противници на претседателот Путин, а кој годинава потфрли во бројноста. На ткн „Руски марш“ на ултранационалисите кој се организира традиционално секоја година на 4-ти ноември, според процените на полицијата се собрале само две илјади луѓе, наспроти очекувањата на организаторите за меѓу 10 и 20 илјади присутни.
Собирите се одржани по повод Денот на националното единство кој се одбележува како државен празник во Русија од 2005 година, со што се одбележува прогонувањето на полските окупаторски сили од Кремљ во 1612 година од страна на народниот отпор предводен од народните јунаци Кузма Минин и Дмитриј Пожарски./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.