Европа
Жесток судир на претседателите на францускиот Сенат и Народното собрание
Двајцата највисоки државни функционери на Франција влегоа во жестока расправија, па претседателот на десницата во Сенатот, Жерар Ларшер, одбива да соработува во заедничката комисија со социјалистичкиот колега во Народното собрание, Клод Бартолоне, кој се изјасни за укинување на Сенатот.
Жерар Ларшер, кој француската политичка сцена го препознава по чувството за консензус отколку по медиумските скандали, бил вџашен откако во четвртокот вечерта на телевизија го слушнал Клод Бартолоне како се залага за укинување на Сенатот, во неговиот сегашен облик.
Претседателот на Сенатот, кој инаку е втор човек во државата, одлучи по споменатата изјава дека повеќе нема да соработува со челникот на Народното собрание во програмата којашто на двајцата им ја довери претседателот Франсоа Оланд за „републиканското залагање и за чувството на припадност на припадност на нацијата“ по јануарските исламистички напади во Париз.
„Нашата соработка повеќе не е возможна, бидејќи не ги сфаќаме институциите на ист начин“, изјави Ларшер кој „директно“ ќе одговори на понудата на претседателот.
Очигледно силно погоден од оваа изјава, Бартолоне во писмото во коешто увид имала агенцијата AFP, бара од Ларшер „да не ја губи главата“ и „да не го разбива скапоценото национално единство во полза на ситна изборна калкулација“.
Со предлогот за соединување на Сенатот со Советот за економски, социјални и еколошки прашања, замисла на легендарниот француски претседател генералот Шарл Дегол којашто Французите ја отфрлија на референдумот од 1969 година, Бартолоне само го повторува она што напиша во неодамна објавената книга.
Ларшер и претходно беше гневен поради неодамнешното прикажување на документарниот филм на мрежата France 3 во кој беше критикуван животот на пратениците и вработените во Сенатот, како и нивното трошење.
Докумнетарецот, во прв ред, се занимава со користењето на 350-те милиони евра буџетски пари наменети за Сенатот на годишно ниво и со трошоците на сенаторите кои изнесуваат 23.000 евра месечно. Покрај тоа, беше критикувано и исплаќањето надоместок за вработените во Сенатот, на пример, градинарот почетник примал месечно 2.500 ера, а главниот секретар на седниците 20.000 евра.
„Познати ми се сите слабости на нашата институција“, призна претседателот на Сенатот, меѓутоа „сенаторите се и тоа како потребни актери на нашата Република“./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.