Контакт

Регион

Детали за убиството на бугарската новинарка – толку брутално била удирана по главата што не можеле да ја идентификуваат

Објавено пред

Бугарските власти го испитуваат бруталното убиство на новинарката Викторија Маринова, која работела на истражувачки стории за корупција со средства од Европската Унија. Сè уште нема осомничени за убиството, но детали за случајот што ја вознемири Бугарија, но и регионот, почнаа да се изнесуваат во јавноста. Ова е четврт новинар што е убиен во Европа годинава.

Телото на 30-годишната Викторија Маринова беше пронајдено во саботата во близина на пешачка патека во градот Русе. Првичните анализи покажале дека причина за смртта е удар на главата и задушување.

Бугарскиот министер за внатрешни работи, Младен Младенов, го опиша убиството како исклучително брутално и рече дека Маринова била силувана пред да биде убиена. Тој рече дека главните инспектори за убиство во земјата биле испратени во Русе за да работат на случајот.

Регионалниот обвинител на Русе, Георги Георгиев, изјави за државните медиуми дека не ги пронашле нејзиниот мобилен телефон, клучевите за автомобилот, очилата и дел од нејзината облека.

Според медиумите, бугарска истражувачка новинарка Викторија Маринова толку брутално била претепана и удирана по лицето што не можела да биде идентификувана. Нејзиното полуголо тело беше пронајдено во оддалечена област по должината на реката Дунав во Русе, но потребни биле неколку часа за да биде идентификувана.

„Има доволно собрано ДНК-материјал на местото на убиството во Русе, каде што жестоко беше убиена триесетгодишната Викторија Маринова, административен директор на ТВН во Русе, и извршителот ќе биде откриен, изјави бугарскиот премиер, Бојко Борисов.

„Од начинот на кој се работи има многу собран ДНК-материјал – прашање на време е кога ќе се реши случајот“, рече Борисов.

Tелото на новинарката е откриено на кејот на реката Дунав на тешко достапно место. Претпоставките се дека била нападната дoдека трчала на кејот. Во 10.30 часот пиела кафе со колегите, а во 14.18 е извршено убиството.

Не е јасно дали убиството на Маринова е поврзано со нејзината новинарска работа. Властите работат на идентификување сведоци и потенцијални мотиви за нејзиното убиство.

epa07077515 An undated handout photo made available by TVN on 07 October 2018 shows late 30-year-old’s journalist Viktoria Marinova at a local television station, TVN in the town of Ruse, Bulgaria. The body of Viktoria Marinova was found in a park in the northern city of Ruse, near the River Danube on 06 October 2018. . EPA-EFE/TVN RUSE / HANDOUT HANDOUT EDITORIAL USE ONLY/NO SALES

Во извештаите на бугарските медиуми се вели дека изминатата година Маринова известувала за истрага за наводната корупција со средства од Европската Унија за телевизијата ТВН. Таа исто така работела на теми фокусирани на социјални прашања и била вклучена во хуманитарна работа.

„Со огромна болка и непремостлива тага екипата на телевизијата ТВН се соочува со загубата на нашата сакана колешка Викторија Маринова“, се вели во соопштението на ТВН.

Комитетот за заштита на новинарите ги повика бугарските власти да спроведат ригорозна и темелна истрага за убиството.

„Комитетот е шокиран од варварското убиство на новинарот Викторија Маринова“, рече претставникот на Комитетот во Европската Унија во Брисел, Том Гибсон. Според него, бугарските власти мора да ги искористат сите напори и ресурси за да извршат исцрпна истрага и да ги изнесат одговорните пред лицето на правдата“.

Бугарските медиуми известуваат дека нејзината последна емисија емитувана на 30 септември, „Детектор“, била посветена на тоа прашање, а гости ѝ биле колегите – бугарскиот новинар Димитар Стојанов од веб-страницата ‘Бивол’ и романскиот новинар Атила Биро, член на проектот РИСЕ за истражувачко новинарство во Романија.

Харлем Дезир, претставник за слобода на медиумите за Организацијата за безбедност и соработка во Европа (ОБСЕ), на „Твитер“ го осуди убиството велејќи дека внимателно ќе ја следи истрагата.

Бугарија е рангирана на 111. место од 180 земји во индексот на слободата на печатот на „Новинари без граници“. Маринова е четвртиот новинар што е убиен во Европа во последните 14 месеци.

Ким Вол, шведска новинарка, беше обезглавена и убиена во август 2017 година за време на интервјуто во подморницата на пронаоѓачот Петер Мадсен во Копенхаген. Мадсен беше осуден на доживотна казна за убиство.

Во октомври 2017 година малтешкиот новинар Дафне Каруана Галиција беше убиена во автомобил бомба во близина на својот дом. Неколку луѓе се судат за детонирање на бомбата, но никој не е уапсен за организирање на нејзиното убиство.

Во февруари 2018 година словачкиот новинар Јан Куцијак беше застрелан во својот дом. Во моментот обвинети се три лица за убиството.

Регион

Тачи: Провокација е пораката на Вучиќ дека Србија сака компромис, но не е и признавање на Косово

Објавено пред

Косовскиот претседател Хашим Тачи ја оцени како провокација изјавата на српскиот претседател Александар Вучиќ дека Србија е подготвена да преговара за компромисно решение со Косово, но дека таа нема да го признае.

„Пораката од Белград дека треба да се најде компромис без да се признае Република Косово е провокација. Независноста на Косово е компромис. Дијалогот е можен само под еден принцип: двете земји меѓусебно се признаваат како рамноправни соседи и се придвижуваат кон евро-атлантското семејство“, напиша Тачи на Твитер.

Претходно денеска, Вучиќ за „Катимерини“ изјави дека Србија отсекогаш барала компромис и не сака да наметне решение што ќе биде во интерес само на едната страна.

„Ние сме подготвени и отворени за преговарање за какво било компромисно решение. Некои спомнуваат други модели, но не нудат ништо специфично. Ако некој смета дека ќе дојде во Белград и ќе ни каже дека ние ќе го признаеме Косово како независна земја, тоа нема да се случи“, рече Вучиќ, пренесе „ОНАСА“.

Прикажи повеќе...

Регион

По Сараево, и Косово го прогласи Хандке за персона нон-грата

Објавено пред

Косовскиот министер за надворешни работи, Беџет Пацоли, истакна дека Питер Хандке, овогодишниот добитник на Нобелова награда за литература, е персона нон-грата во Косово.

„Денес решив да го прогласам Питер Хандке за персона нон-грата во Косово, заради поддршката што му ја даде на Милошевиќ и неговите геноцидни политики во Косово и во Босна и Херцеговина, како и негирањето на геноцидот извршен од страна на Србија. Тој и Нобеловата награда покажаа непочитување кон жртвите на геноцидот”, напиша Пацоли на „Твитер“.

Сараево порано во текот на денот го прогласи Хандке за непожелно лице.

Прикажи повеќе...

Регион

Омилениот актер на Тарантино успешно опериран во Загреб

Објавено пред

Британскиот актер Тим Рот (58), познат по улогите во култните филмови на Квентин Тарантино (56), но и по хит-серијата „Лажи ме“, по шестмесечно снимање на новата драмска серија, пристигна од Ливерпул во Загреб за да си го реши проблемот со видот засекогаш.

Тим Рот беше виден во хотелот „Еспланада“ во Загреб како чита пораки на мобилниот телефон. Првпат по 40 години, актерот чита без очила бидејќи само ден пред тоа беше опериран на клиниката „Свиетлост“ во Загреб.

Професорот Габриќ и неговиот тим ги оперирале Рот и неговата сопруга Ники и им вградиле најнова генерација мултифокални леќи со проширен фокус. И двајцата добро гледале само неколку часа по операцијата и уживале во т.н. адвент во Загреб.

„Целиот живот мислев дека со левото око гледам помалку од 30 проценти. Бев кај многу лекари во Калифорнија и Англија, кои ме уверуваа дека нема надеж за тоа око, но по два часа поминати во „Свиетлост“, гледам на тоа око првпат во мојот живот“, вели актерот.

Покрај Рот, на клиниката се оперирани и Арманд Асанте, кој своето искуство го сподели со актерите Франко Неро и Касандра Гав, а тие го споделија со Ивана Трамп и Тим Рот.

Прикажи повеќе...

Најново

Македонија1 час

Девет членки на ЕУ предложија нова методологија за проширување

Девет земји членки на ЕУ излегоа со заеднички предлог за нова методологија за проширување на членството во ЕУ, за што...

Македонија5 часа

Се укинува законот за зелените пазари

Со 50 гласа пратениците го подржаа предлогот на министерот за економија, Крешник Бектеши, кој побара по скратена постапка да престане...

Македонија5 часа

Манчевски: Префрлањето на администрацијата во приватниот сектор нема да биде политички отстрел

Министерот за информатичко општество и администрација, Дамјан Манчевски, најави дека до крајот на годината ќе ги предложи пакет-мерките за префрлање...

Македонија6 часа

Обвинителството испитува кој ги објавува аудиоснимките поврзани со „Рекет“

Основното јавно обвинителство за гонење организиран криминал и корупција оформи предмет и веќе проверува кое е лицето што ги објавува...

Свет7 часа

Австралиските пожарникари сами собираат средства за квалитетни маски за дишење

Пожарникарите во Нов Јужен Велс, Австралија, поведоа итна акција за собирање средства за набавка на подобра безбедносна опрема кога открија...

Македонија9 часа

Објавени аудиоснимки поврзани со „Рекет“: „Не знам, куферот со пари не е кај Заев“

На јутјуб-каналот U6e Big се појавија нови аудиозаписи поврзани со случајот „Рекет“. На нив се слуша глас кој личи на...

Македонија10 часа

По 33 години постоење, згасна охридскиот атлетски маратон

По 33 години постоење, згасна охридскиот атлетски маратон. Ова го потврди досегашниот организатор Пецо Неданов, кој на „Фејсбук“ објави дека...

Свет10 часа

Разбиена мрежа на педофили, снимале силување бебиња, уапсени 33 лица во 11 земји

Заедничката акција на полициските сили во дури 11 држави доведе до апсење 33 лица осомничени за малтретирање деца, прикажување, добивање...

Македонија10 часа

Речиси половина милион жители во нашата држава немаат постојан пристап до храна

Честопати Северна Македонија е ставена на листата со рекордери во загуби на храна и отпад од храна, а истовремено се...

Свет12 часа

Шведска лекарка ја врати Нобеловата награда за мир како протест поради Хандке

Шведската лекарка и писателка Кристина Доктаре, која ја доби Нобеловата награда за мир во 1988 година како членка на мировните...

Свет12 часа

(Видео) Најмалку шест лица загинаа во пукање во Њу Џерси

Најмалку шест лица, меѓу кои и еден полицаец и двајца осомничени вооружени лица, загинаа во повеќечасовно пукање кај гробиштата и...

Регион12 часа

Шестмина мигранти починаа од студ на грчко-турската граница

Шестмина мигранти починаа од студ на грчко-турската граница. Тие се пронајдени во регионот Еврос, на грчко-турската граница, во периодот од...

Македонија1 ден

Владата даде рок до петок – на увид ги бара сите информации за зачувувањето на статусот на УНЕСКО

Владата ја разгледа и усвои Информацијата за степенот на реализација на препораките на Реактивната мисија на УНЕСКО од 2017 година,...

Македонија1 ден

Предлог-законот за висока раководна служба оди во Собрание

На предлог на Министерството за информатичко општество и администрација, Владата го утврди текстот на предлог – законот за висока раководна...

Свет1 ден

Се подготвува масовен каталонски протест во пресрет на дербито Барселона – Реал Мадрид

Каталонската платформа „Демократско цунами“ ги повика заговорниците за независност на Каталонија за масовни протести по осум дена пред стадионот „Камп...

Регион1 ден

Хрватските возачки дозволи во иднина ќе важат и во САД, Канада, Аргентина …

Парламентарците денеска го поздравија пристапувањето на Хрватска во Конвенцијата за патен сообраќај, односно Женевската конвенција, со која ќе се овозможи...

Македонија1 ден

Благајничката на Камчеви: Со обезбедување дојдов во менувачницата, а парите ги претворив во евра

По паузата во Кривичниот суд во Скопје, продожи судењето за предметот „Рекет“, сведочеше благајничката на семејството Камчеви, Мирјана Бошковска. Таа...

Македонија1 ден

„Екосвест“: ТЕЦ „Битола“ ги надминува дозволените вредности за емисии на токсични супстанции

Државите од Западен Балкан ги надминуваат граничните вредности за емисии во воздухот од термоелектраните на јаглен договорени со Енергетската заедница...

Македонија1 ден

Руте: Албанија не е подготвена, а Северна Македонија е поблиску до почнување преговори со ЕУ

Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот...

Македонија1 ден

Камчева: Боки 13 беше како специјален јавен обвинител, тој знаеше сè

Во продолжението на судењето за случајот „Рекет“, сопругата на Орце Камчев, Ана Камчева, рече дека 350 илјади евра за рекет...

Досие