Патниот сообраќај меѓу Грција и Бугарија во петокот е насочен кон соседните земји Македонија и Турција, бидејќи гневните бугарски возачи на камиони ги блокираа сите гранични премини меѓу двете земји, објави бугарската гранична полиција.

Откако главниот гранични премини Кулата–Промахонас уште од вторникот беше затворен за целиот сообраќај, бугарските возачи на камиони во петокот ја проширија својата кација на протест на уште другите пет бугарско-грчки гранични премини и предизвикаа големи пореметувања во сообраќајот.

Синдикатот на бугарските превозници појасни дека оваа мерка претставува протест против блокадата на камионскиот сообраќај којашто ја спроведуваа грчките земјоделци, поради што бугарските возачи остануваат заробени со стоките и без вода и храна на патиштата низ Грција.

Грчките земјоделци од почетокот на февруари правата подолготрајни прекини на сообраќајот и прометот со стоки на границите со Македонија, Грција и Турција, протестирајќи против реформите на пензискиот систем што ги воведува грчката влада како дел од договорот со меѓународните кредитори во замена за третиот пакет финансиска помош во износ дополнителни од 86 милијарди евра.

Бугарскиот парламент во специјална декларација објавена во петокот побара од Европската комисија да покрене прекршочна процедура против Грција и да гарантира слободно движење на стоките.

Заменикот на претседателот на бугарските синдикати на превозници Красимир Лалов изјави дека блокадата ги погаѓа и другите, а не само бугарските превозници. Во четвртокот премиерот Бојко Борисов ја обвини Грција дека намерно сака да им наштети на Бугарите. Имено, патниот транспорт има голема важноста за бугарската економија, и Бугарија е петтата земја во Европа според бројот на возачите на товарни камиони./крај/мф/сн

Извор: Макфакс