За безбедноста на членовите на Претседателството на Босна и Херцеговина коишто во среда ќе престојуваат во посета на Србија, ќе се грижа околу илјада полицајци во униформи и во цивил, пишуваат во понеделникот белградските медиуми.

Бакир Изетбеговиќ, Младен Иваниќ и Драган Ќовиќ доаѓаат во Белград на покана на српскиот премиер Александар Вучиќ, а состанокот најверојатно ќе биде одржан во Караѓорѓево, наведува белградскиот весник Блиц.

Весникот пишува и дека се очекува во понеделникот во Белград да пристигнат и припадниците на босанскохерцеговската Државна агенција за истраги и заштита (SIPA), кои ќе имаат средба со челниците на српското министерство за внатрешни работи и на тамошната Безбедносна информативна агенција (БИА). По тој состанок, ќе биде разработена и трасата на движење на гостите од Сараево, којашто привремено ќе бидат затворени за сообраќај.

„Автомобилот со членовите на Претседателството БиХ, ќе го следат и три возила со најискусните припадниците на Управата за безбедност, околината на Караѓорѓево ќе биде практично под опсада, а по Дунав ќе патролира дури и рената полиција и нуркачите Жандармерија“, вели неименуван извор за белградскиот весник.

Српскиот министер за полиција Небојша Стефановиќ потврдил дека членовите на Претседателството на БиХ од моментот на влегувањето во Србија ќе бидат „апсолутно безбедни“ и изразува убедување „дека нема да доживеат ништо слично на она што му се случи на премиерот Вучиќ во Поточари“, кога беше нападнат на одбележувањето на годишнината од масакрот во Сребреница./крај/мф/сн

Извор: Blic