Регион
Ирак: Во турски воздушен напад убиени осум цивили
Најмалку осум цивили се убиени во турските воздушни напади во северен Ирак чии цели се базите на забранетата Работничка партија на Курдистан (PKK), пренесуваат агенциите повикувајќи се на локалното население, додека турската агенција Anadolu повикувајќи се на свои извори објави дека во еднонеделната кампања против курдските милитанти биле убиени најмалку 260 борци на PKK а стотици други биле ранети.
Новинската агенција Firat објави фотографии на убиените во воздушните напади изведени утрото во саботата по областа на планината Кандил. Официјална Анкара сé уште немаше официјален коментар за овие тврдења. Локалното население за агенцијата DPA изјави, пак, дека во саботните напади биле убиени седум луѓе.
Турски авион во саботата околу 4 часот утрото го гаѓале селото Заркел, во округот Равандуз, во близина на Ербил, главниот град на автономната ирачка покраина Ирачки Курдистан, рекол за AFP, локален функционер Нехро Андулах, според кого во нападот има најмалку шест жртви од кои две се жени, како и дека целосно се уништени неколку цивилни објекти. Тој не можел да каже дали станува збор за цивилни жртви.
„Добивме шест тела, а осум лица се ранети во турските напади“, рекол за AFP Маскуд Исмал Омар, лекар и шеф на локалните здравствени служби во градот Соран.
Турција од крајот на минатата седмица започна со воздушни удари врз позициите на PKK во ирачки Курдистан, но зголемен е и бројот на нападите на припадниците на ова движење врз турските полицајци и војници во самата Турција.
Курдските претставници од северот на Ирак и ирачката влада ја повикаа Турција да ги прекине воздушните напади и двете страни ги повикаа да се вратат на преговарачката маса за да стават крај на судирот во кој во последните три децении се убиени околу 40 илјади луѓе.
Според официјалните извори, во петокот 31-ви јули, 28 турски авиони од типот „F-16“ уништиле 65 цели на PKK, вклучително и засолништа и складишта со муниција. Најмасивниот воздушен напад според дневните извештаи, пак, бил изведен во четвртокот, кога дури 80 турски авиони бомбардирале 100 цели на PKK, пишува Anadolu.
„Досега повеќе од 260 терористи се елиминирани (убиени) и 380 до 400 се идентификувани како ранети, меѓу кои и братот на Салахатин Демитраш, Нуретин Демитраш“, се наведува во извештајот на агенцијата и се додава дека се очекува воздушните напади да продолжат.
Турската влада официјални одбива да ги открие своите процени за настраданите, а на барање на агенцијата AFP неименуван турски функционер изјавил дека „тука не се работи за фудбалски натпревар“.
Салахатин Демитраш за турските медиуми изјави дека не знае дали неговиот постар брат Нуретин заминал на планината Кандил во северен Ирак, каде што според турската армија се базирани воените штабови на PKK. Запрашан за пишувањето на агенцијата Anadolu од саботата, тој одговорил „Не можам да го потврдам извештајот на агенцијата, бидејќи брат ми не е во Кандил“, изјавил копретседателот на HDP. „Мојот брат не платеник на Исламската држава, тој се спротиставува на Исламската држава за доброто на својот народ“, додал Демитраш пренесува дневниот весник Hurriyet./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с