Регион
Турција ќе го истражи загинувањето на цивили во нејзините напади во Ирак
Анкара објави во саботата ноќта дека го истражува загинувањето на цивили во воздушните напади што ги извршија нејзините борбени авиони во саботата утрото во северен Ирак, каде што ги цели позициите на забранетата во Турција Работничката партија на Курдистан (PKK), а на прекин на нападите повика и раководството на автономната област ирачки Курдистан каде се извршени нападите.
Курдските функционери во Ирак известија дека најмалку шест лица, од кои две жени, се убиени во воздушните напади извршени во 4 часот наутро во саботата. Според локалните медиуми, во овие напади има девет цивилни жртви и неколку домови се целосно урнати. Прокурдските медиуми во Турција овој воздушен напад го карактеризираа како „масакр“, пренесува агенцијата AFP.
„Отворена е страгата за наводите и фактите ќе бидат целосно проверени“, објави во саботата навечер турското министерство за надворешни работи.
Цели на нападот на турската воена авијација биле логистички бази на Работничката партија на Курдистан (PKK), се додава уште во соопштението на министерството. Се истакнува дека биле избрани цели во областите за кои турските разузнавачки служби известиле дека нема цивилно население,
Претходно во саботата претседателот на автономниот ирачки регионот Северен Курдистан побара од борците на PKK да се повлечат од сегашните линии, за да се избегнат цивилни жртви,
„Го осудуваме бомбардирањето кое предизвика жртви во регионот Курдистан и ја повикуваме Турција повеќе да не ги бомбардира цивилите“, изјaви претседателот на ирачки Курдистан, Масуд Барзани. Тој ги повика и Анкара и PKK да се вратат на преговарачката маса и да ги обноват мировните преговори започнати во 2013 година .
И курдските милиции кои се борат против џихадистичката Исламска држава во Сирија ја обвинија Турција дека најмалку четири пати ги нападнала од воздух нивните позиции во текот на минатата седмица и тие напади ги карактеризираа како „провокативни“ и „непријателски“, пренесе Reuters./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.