Регион
Продолжуваат преговорите помеѓу Белград и Приштина, двете страни разговараат за телекомуникациите
Преговорите помеѓу Белград и Приштина во Брисел продолжуваат и во вторник, а двете делегации со посредство на преставниците на ЕУ ќе разговараат за примената на договорот за телекомуникации, пренесуваат српските медиуми.
Преговорите помеѓу Белград и Приштина во Брисел продолжуваат и во вторник, а двете делегации со посредство на преставниците на ЕУ ќе разговараат за примената на договорот за телекомуникации, пренесуваат српските медиуми.
Преговорите помеѓу двете страни започнаа во понеделникот, а по завршувањето на првиот ден немаше изјави од српските и косовските претставници. Белград и Приштина до четврток на експертско ниво ќе разговараат за прашања околу меѓународниот повикувачки број за Косово, имотот и правото на српскиот Телеком непречено да работи на Косово.
Двете делегации кон средината на септември во Брисел исто така разговараа за телекомуникациите и работата на српскиот Телеком на Косово, а според оценката на ЕУ тогаш бил „остварен напредок во елементите кои се клучни за спроведувањето на договорот“.
Според косовската министерка за дијалог, Едита Тахири, средбите помеѓу белградската и приштинската делегација би требало да резултираат со тоа Косово да добие свој меѓународен повикувачки број – 383, нешто што е демантирано од страна на Белград, наведувајќи дека тоа би бил број на географско подрачје кое и припаѓа на Србија.
Со договорот за телекомуникациите, кој беше постигнат на 25-ти август минатата година, предвидено е Србија да бара повикувачки број за Косово, кој како сопственост на Србија, ќе и биде отстапен на користење на Приштина, и дека на српскиот Телеком ќе му биде овозможено непречено да работи на територијата на Косово./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Два трамваи се судрија во Белград, неколку повредени
Вечерва се случи сообраќајна несреќа во Белград.
Околу 18 часот и 30 минути на аголот од булеварот „Крал Александар“ се судриле два трамваи.
Sudar dva tramvaja u Bulevaru izmedju Cvetka i Batutove, sad. pic.twitter.com/nFDoZI0N4P
— Biljana Lukić (@BiljanaLuki) January 31, 2025
На местото на настанот пристигнала брза помош, а како што е соопштено на Инстаграм страната „Ѕвездара вести“ има неколку повредени.
Сообраќајот беше во прекин во правец на центарот на Белград.
View this post on Instagram
Засега не се познати повеќе детали.
Регион
Умерено силен земјотрес во близина на Сплит
Сеизмолошката служба на Република Хрватска забележа умерено силен земјотрес во Далмација во 5.02 часот.
Епицентарот бил во близина на островот Шолта, 22 километра југозападно од Сплит.
Земјотресот бил со јачина од 3,3 степени според Рихтеровата скала, а интензитетот во епицентарот од четири до пет степени според ЕМС.
Регион
Серија земјотреси утрово ја погодија Грција, а најсилниот регистриран во близина на Закинтос
Серија земјотреси ја погодија Грција, а најсилниот од сите земјотреси беше со јачина од 4,2 степени според Рихтеровата скала, кој беше регистриран овој петок, 31 јануари 2025 година, во 8.36 часот, во областа на Јонското Море, во близина на Закинтос.
Неколку минути пред овој земјотрес Грција ја погоди послаб земјотрес со јачина од 3,1 степени според Рихтеровата скала регистриран во 8.28 часот. Пред тоа беше регистриран земјотрес со јачина од 2,1 степена според Рихтеровата скала.
Според достапните податоци, епицентарот на земјотресот бил лоциран во областа со географските координати на географска ширина 37.4804 и географска должина 20.606, пренесуваат медиумите во регионот.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 5 километри под површината на земјата.
Засега нема извештаи за материјална штета или повредени, а надлежните служби ја следат состојбата.