Главните партнери во албанската влада, Социјалистичката партија и партијата Движање за социјалистичка интеграција продолжуваат со несогласувања и покрај тоа што пред една седмица во Собранието беше изгласана реформата во Правниот систем со консензус на власта и опозицијата.

Клучните луѓе во двете владини партии не кријат дека се повекле и оти има несогласувања меѓу партнерите во власта.

Така весникот Мапо во средата пишува дека претседателот на Собранието, Илир Мета, ја прекинал посетата на САД и се вратил во Тирана со цел да ги расчисти, како што наведува весникот, одредени односи со својот владин партнер социјалистите.

Фатмир Џафа, висок партиски функционер и влијателна личност меѓу албанските социјалисти, кој во неколку наврати беше и министер во владите на социјалистите, отворено изјави дека односите со Мета не се добри и притоа ја изнесе оцената дека тие одден наден се сé полоши.

Албанските аналитичари оценуваат дека Мета, кој пред да биде на власт со левицата беше на власт и со десницата, повторно прави заговор против премиерот Еди Рама и оти води преговори со лидерот на опозицијата, демократот Лулзим Баша. Притоа се оценува дека Мета се обидува земјата да ја внесе во предвремени избори и да добие повеќе леви приврзаници за потоа да влезе во владата на деницата./крај/мф/мн

Извор: Макфакс