Регион
САД повторно „итно“ ги предупредија своите граѓани за можни напади во Турција

САД повторно во кус период ноќта кон средата ги предупредија американските државјани во Турција за веродостојни закани од терористички напади во туристичките локации во оваа земја.
„Американската влада продолжува да прима веродостојни знаци дека терористичките групи бараат можност за напади во популарните туристички дестинации ширум Турција“, се вели во соопштението на амбасадата на САД во Анкара.
Терористичките организации особено за цел ги имаат странските туристи во Турција, истакнува амбасадата во „итната порака“ упатена до американските државјани.
На 9-ти април САД, исто така, ги предупредија своите државјани на опасноста од можни терористички напади врз туристите во турскиот мегалополис Истанбул и во големиот туристички центар Анталија, во земјата во којашто последните девет месеци се изведени серија смртоносни напади со стотици жртви.
Во март бомбаш самоубиец се разнесе во центарот на Истанбул и уби четири странски туристи, од кои тројца беа Израелци, а еден Иранец. Претходно во јануари 12 туристи, претежно германски, загинаа во Истанбул во сличен самоубиствен бомбашки напад, а за двата турските власти ја обвинија екстремната сунитска организација Исламска држава.
Турските коментатори предупредуваат дека комбинираниот ефект од терористичките напади, војната во соседна Сирија и остриот дипломатски според со Русија, само од чии туристи минатата година инкасираше 4 милијади долари, може да има разурнувачки ефект врз витално важниот за Турција туристички сектор./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.