Министерот за внатрешни работи на Федерацијата БиХ, Аљоша Чимпара, изјави во Сараево ноќта кон четвртокот дека полицијата по убиството на двајцата војници, Бошњак и Србин по националност, ја контролира безбедносната ситуација, и дека нема причина за паника, и оцени дека е рано за квалификации за карактерот на нападот, иако очевидци тврдат дека напаѓачот бил облечен како исламист, додека полициски извори велат дека тој е опколен во куќа во којашто се забарикадирал и се обидуваат да преговараат за негово предавање.

Според репортерите на електронските изданија на весниците Avaz и Vijesti, полицијата го лоцирала напаѓачот, идентификуван како Енес Омерагиќ, во местото Сокоље, во коешто живеел, каде припадници на Единицата за поддршка го блокирала семејниот објект, но и околните куќи. Според непроверени информации, осомничениот се наоѓа во куќата, а полициските специјалци се обидуваат со него да преговараат, за „на најефикасен начин да биде уапсен“.Полицајците и припадниците на Државната агенција за истрага и заштита (SIPA), според медиумите, исто така, се присутни во споменатата населба, и ги пренасочуваат возилата кон други правци.„Станува збор за гнасно злосторство, убиени се двајца припадници на вооружените сили, а еден е ранет. Мораме да го утврдиме мотивот, кои се причините за нападот и потоа ќе можеме да кажеме нешто повеќе“, изјавил министерот Чампара во сараевското предградие Рајловац каде во обложувалница бил изведен нападот, меѓу 19.30 и 20 часот во средата навечер.Очевидци ѝ изјавиле на полицијата дека напаѓачот наводно бил облечен како вехабит, припадник на радикалното исламистичко движење кое има бројни доследни следбеници во Босна, со што беа поттикнати шпекулациите дека можеби станува збор за терористички напад, по неодамнешните повторени закани од порталите кои ги поддржуваат радикалните исламистички групи. „Ги замолувам граѓаните да останат смирени. Полицијата ја работи својата работа и имаме сили да се справиме со ова“, изјавил федералниот министер за надворешни работи. Убиените војници се идентификувани како 26-годишниот Армин Салкиќ и 34-годишниот Недељко Радиќ, Бошњак и Србин. Двајцата биле возачи во единицата на воената полиција стационирана во касарната во Рајловац./крај/мф/сн

Извор: Макфакс