Регион
Слаби обиди за формирање нова коалиција во Грција
Челниците на грчката опозиција, кои се обидуваат да формираат нова владејачка коалиција, без особено залагање и жар ѝ пристапуваат на оваа задача и ги игнорираат апелите од дома и од странство итно да се одржат изборите за да може Грција да се соочи со истовремените финансиска и хуманитарна криза.
Во неделата, ден за одмор, не се предвидени никакви разговори, иако челникот на конзервативната Нова демократија, Евангелос Меимаркаис најави дека има намера да разговара со челникот на нереформираната комунистичка партија, што веројатно ќе биде попуст труд, дури и доколку го повика, сметаат коментаторите во Атина.
Невообичаено лежерната атмосфера околу коалициските преговори, откако премиерот Алексис Ципрас во четвртокот си поднесе оставка по само седум месеци на чело на владата на коалицијата на радикалната левица Сириза и тешките преговори за новиот трет пакет финансиска помош за земјата со меѓународните доверители, ги поттикна грчките медиуми да повикаат на именување вршител на должноста премиер кој и продолжил да ги спроведува политиките на мерките за штедење и реформи, што е важно за Грција доколку сака и натаму да прима пари од утврдениот нов пакет во износ од 86 милијарди евра.
Ненаведувајќи конкретни имиња, Ципрас ја осуди тактиката на Меимаракис и на челникот на крајно левата фракција во Сириза, Панајотис Лафазанис, еден од тврдите бунтовници од Сириза, кон средината на јули беше сменет од функцијата министер енергетика, кога заедно со уште 30 пратеници гласаше против предлог-законот за реформите, кој повика на формирање широк демократски фронт против договорот со доверителите, веднаш по оставката на премиерот.
„Не грижете се поради триковите со цел изборите да бидат одложени. Тие нема да доведат никаде и народот тоа го разбра“, изјави претходно во саботата Ципрас пред членовите на владата и на Сириза кои му останаа лојални.
Ципрас и натаму е фаворит за составување на новата влада, меѓутоа кои и да ја води Грција ќе се соочи со обесхрабрувачки пролеми.
Според грчкиот устав, трите најголеми партии добиваат по три дена секоја да се обидат да состават нова коалициска влада, доколку владата поднесе оставка во рамките на помалку од 12 месеци. Дури откако евентуално тие разговори не дадат резултат, а речиси сигурно е дека во случајов тоа ќе се случи, претседателот Прокопис Павлопулос именува вршител на должноста премиер и распишува избори.
Меѓутоа, многумина веруваат дека Грција не може да чека на преземање некакви активности до по изворите, за коишто Ципрас сака да се одржат пред крајот на септември.
„На земјата ѝ е потребен искусен вршител на должноста премиер. Спроведувањето на договорот постигнат со доверителите, докапитализацијата на банките и имигрантската криза се жешки прашања кои не можат да чекаат, дури ни еден месец“, коментира во неделата весникот Kathimerini,
Ципрас во четвртокот поднесе оставка надевајќи се дека ќе ја зацврсти својата позицијата на предвремените избори. Предавајќи му ја оставката на претседателот Павлопулос го замоли да биде одреден најраниот можен датум за новите избори.
Владини функционери велат дека цел е да се одржат изборите на 20-ти септември, додека Ципрас се обидува да се справи со незадоволството во редовите на Сириза и да обезбеди поддршка од јавноста за спроведување на програмата за финансиската помош која тој ја договори, трета за Грција од 2010 година, во вкупен износ од над 320 милијарди евра.
Соочен со речиси крахот на грчкиот финансиски систем кој се закани и на иднината на Грција во еврозоната, Ципрас мораше да ги прифати барањата на кредиторите за повеќе штедење и економски реформи, токму политиките против коишто вети дека ќе се бори и ќе ги укине што му овозможи во јануар./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.