Регион
Уапсен шефот на најголемата бугарска царинарница
Шефот на најголемата бугарска царинарница е уапсен поради сомневања дека земал мито, неколку часа по извештајот на Европската комисија од средата за напредокот на Бугарија во кој се бара дополнителни напори во борбата против корупцијата во оваа земја членка на Европската унија.
Шефот на царинската испостава Свиленград, задолжена за најголемиот граничен премин кон Турција, Тодор Караиванов, е уапсен поради миро и криумчарење, пишуваат во четвртокот бугарските медиуми. Според неофицијални сознанија, Караиванов во моментот кога бил уапсен во рацијата во царинарницата кај себе имал означени банкноти.
Се претпоставува дека одобрувал пренесување шверцувани стоки од Турција, а според медиумите цариниците од Свиленград често пропуштаат возила со шверцувани стоки без никаква контрола.
Караиванов, кој бил времен управител, бил уапсен во операција на агенцијата за борба против корупцијата, која е создадена меѓу Софиското градско обвинителство и безбедносната служба ДАНС. Тој во средата само за половина час примил два поткупа еден од 600 лева (300 евра) и вториот од 600 евра. При извршениот претрес на кабинетот на Караиванов во зградата на царинарницата биле откриени уште 12.000 евра, а во неговиот дом биле откриени 6.000 лева (3.000 евра) и три вреќи со царински документи. Акцијата продолжува во четвртокот со пребарување на домовите на неговите можни соучесници и според бугарските медиуми не се исклучени натамошни апсења.
Криумчарењето цигари во Бугарија ја предизвикува најголемата штета од сите членки на ЕУ, покажа едно неодамнешно истражување на здружението Industry Watch. Загубите за државниот буџет, пошто притоа се прават се трипати поголеми отколку во соседната Романија, како и во Полска, и десет пати поголеми отколку во Германија. Од Industry Watch сметаат дека причина за тоа е што државниот буџет во Бугарија е премногу зависен од данокот на тутун и производи од тутун, кој претставува десет отсто од сите собрани даноци./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.