Регион
Во Тирана над 2.500 полицајци го обезбедуваат Папата
Еднодневната посета на папата Франциск на соседна Албанија во неделата ја обезбедуваат повеќе од 2.500 полицајци, ангажиран е голем број припадници на службите за безбедност, сообраќајот во главниот град Тирана е целосно блокиран, а неколку часа затворен ќе биде и воздушниот простор над земјата кога ќе бидат забранети сите летови прелети.
Еднодневната посета на папата Франциск на соседна Албанија во неделата ја обезбедуваат повеќе од 2.500 полицајци, ангажиран е голем број припадници на службите за безбедност, сообраќајот во главниот град Тирана е целосно блокиран, а неколку часа затворен ќе биде и воздушниот простор над земјата кога ќе бидат забранети сите летови прелети.
Ваквите исклучително силни безбедносни мерки се преземени поради официјално непотврдените информации дека во текот на посетата на Римокатоличката црква во Тирана е можен терористички напад од страна на екстремни исламисти.
Папата Франциск во неделата под силни мерки на безбедност пристигна во Албанија, неговиот авион на тиранскиот меѓународен аеродром „Мајка Тереза“ кај Ринаси, атерираше точно во 9 часот. Папата беше пречекан од социјалистичкиот премиер Еди Рама и други претставници на владата, како и од страна на претставници на Католичката црква во Албанија
По кусата средба со премиерот Рама во зградата на аеродромот, папата Франциск се упати кон Тирана каде ќе има средби со албанскиот државен врв, додека пак во 11 часот започна католичката литургија со која раководи Папата на централниот плоштад именуван по најпознатата албанска личност – Мајка Тереза, која Светата столица во 2003 година ја прогласи за блажена.
Во смисла на заканите околу посетата на Папата на тирана, амбасадата на САД во Тирана претходно издаде соопштение во кое ги советува американските државјани да внимаваат за време на посетата на Светиот отец, бидејќи како што беше соопштено се очекува на главната миса во недела да присуствуваат на 500 илјади луѓе од Албанија, но и од соседните земји.
Оваа е втора посета на римокатолички поглавар на Албанија, каде што само десет отсто од населението се католици, откако во 1993 година земјата ја посети папата Јован Павле Втори./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.
Регион
Додик: Нема да ја почитувам одлуката на Уставниот суд
Српскиот лидер во Босна и Херцеговина, Милорад Додик, изјави дека нема да ја почитува одлуката на Уставниот суд на таа земја, кој го оспори изборниот закон за ентитетите и покрај тоа што неговата партија ќе учествува на претстојните локални избори, кои се одржуваат според одредбите на друг државен изборен закон.
„Изборниот закон на Република Српска е уставен и овој правен акт ќе се применува“, изјави Додик за Радио-телевизија на Република Српска реагирајќи на вчерашната одлука на Уставниот суд на Босна и Херцеговина.
Тој суд оцени дека со донесувањето на Изборниот закон на Република Српска е прекршен Уставот на Босна и Херцеговина. На овој начин се оспорува улогата на Централната изборна комисија на БиХ, која е задолжена за организирање и спроведување на изборите.
На ваков потег се одлучија откако високиот меѓународен претставник, Кристијан Шмит, наметна измени во Изборниот законик на Босна и Херцеговина.
Сепак, Додик тврди дека само ќе го почитува Изборниот законик за ентитетите бидејќи тој не бил оспорен од Уставниот суд на Република Српска. Но, државниот е.
И покрај приговорите и отфрлањето на одлуките на Уставниот суд на БиХ, кои властите на Република Српска ги нарекуваат скратени затоа што двајца српски судии не учествуваат во неговата работа, партиите на власт од тој ентитет сепак ќе учествуваат на претстојните локални избори организирани од државната Централна изборна комисија.
Овие избори ќе се одржат на 6 октомври, а ќе се изберат нови свикувања на градските и општинските совети и раководители на 141 општина и град.
Регион
Борел следната недела со лидерите на Западен Балкан
Високиот претставник на Европската Унија (ЕУ), Жозеп Борел, ќе приреди работен ручек за шестмина лидери од Западен Балкан следниот четврток во Њујорк на маргините на Генералното собрание на Обединетите нации, објавено е денеска на веб-страницата на ЕУ, пренесуваат медиумите во регионот.
Во соопштението се наведува дека висока делегација на Европската комисија ќе учествува на 79. сесија на Генералното собрание на ОН следната недела во Њујорк, а фокусот на ангажманот на ЕУ ќе биде ставен на решавање низа невидени конфликти и кризи околу светот.
Делегацијата на ЕУ ќе ја сочинуваат претседателката на Европската комисија, Урсула фон дер Лајен, извршната потпретседателка Маргарет Вестагер, високиот претставник Борел, потпретседателката Дубравка Шуица, како и комесарите Стела Киријакидес, Дидије Рејндерс, Илва Јохансон, Јанез Ленарчич, Јута Урпилаинен, Кадри Симсон и Вопке Хокестра.