Шеесет ипет турски организации за заштита на правата на жените откупија во четвртокот цела страница во еден од најпродаваните турски дневни весници Hurriyet, осудувајќи го претседателот Реџеп Тајип Ердоган поради неговите изјави од понеделникот, меѓу кои и беше онаа дека „рамноправноста меѓу мажите и жените е противприродна“.
 

Шеесет ипет турски организации за заштита на правата на жените откупија во четвртокот цела страница во еден од најпродаваните турски дневни весници Hurriyet, осудувајќи го претседателот Реџеп Тајип Ердоган поради неговите изјави од понеделникот, меѓу кои и беше онаа дека „рамноправноста меѓу мажите и жените е противприродна“.

Огласот во Hurriyet беше објавен откако турскиот претседател на меѓународна конференција во Истанбул посветена на жените и правдата, организирана од стана на асоцијацијата за права на жените и демократија KADEM, рече дека според исламот жените мора мајчинството да го стават на прво место.

„Жените и мажите имаат исти права“, се вели во објавениот текст на женските здруженија, во кој се додава дека Турција и онака многу заостанува зад меѓународните стандарди во сферата на правата на жените. Додаваат и дека претседателот Ердоган и претходно давал слични изјави за правата на жените, и го обвинуваат дека го крши Уставот на земјата и меѓународните договори коишто Анкара ги потпишала. „Нема да се откажеме од рамноправноста“, се вели во писмената изјава, во која се повикуваат турските жени да станат и да ги заштитат своите права.

„Понекогаш велат ’еднаквост меѓу мажите и жените’ (…) Сепак она што е од особено суштинско значење е еднаквоста на жените пред правдата“, рече турскиот претседател во понеделникот. „Не можете да ја ставите мајката којашто дои на иста позиција со исти очекувања како маж кој ја нема таквата одговорност“, рече Ердоган. Турскиот претседател, исто така, го изрази своето мислење дека „приоритет“ на жените би требало да биде мајчинството, велејќи дека тоа е исправниот исламски начин на живеење. „Не можете да ги ставите жените на истите работни места како и мажите, како што тоа го правеа поранешните комунистички режими. Дај и’ лопата и барај од неа да работи?! Не може тоа да се прави. Тоа е против нејзината кревка градба“, порача Ердоган.

Претседателот, кој до 2014 година кога надмоќно победи на претседателските избори цели 11 години беше премиер, рече дека родовата рамноправност во работната сила е спротивна на „законите на природата“, претходно беше критикуван за изјавата дека секое турско семејство би требало да има најмалку три деца. Ердоган, исто така, ги обвинуваше заложбите за право на абортусот како „убиство“ и воведувањето на ограничувањето за породување со царски рез./крај/мф/сн

Извор: Макфакс