Свет
Сириската војска има целосна контрола над источно Алепо, опозицијата не е спремна на отстапки
Сириската војска и провладините милиции ги истиснале вооружените групи и од последната позиција на отпорот во квартот Фирдоус и воспоставиле целосна контрола над источните делови во северниот град Алепо, а опозициските сили велат дек и покрај падот на нивните упоришта во вториот по големина град во Сирија кои речиси четири години ги имаа под контрола, не се подготвени на отстапки кон претседателот Башар ал-Асад.
Информациите за целосното заземање на Алепо од владините сили предизвика одушевување кај цивилното население кое излегува на улиците во западните квартови и ги поздравува сириските борци, пренесува агенцијата Lebanon News.
Сириските сили и нивните сојузници пред три седмици ја започнаа големата офанзива за враќање на деловите од Алепо кои беа под контрола на опозициските групации во сојуз со радикалните исламистички групи.
И опозициската Сириска опсерваторија за човекови права (SOHR) со седиште во Лондон соопшти дека Алепо речиси целосно е под контрола на владините сили.
„Битката за Алепо се приведува кон крајот. Прашање е уште само малку малку време (… ) и потоа следува целосен рах“, изјави директорот на SOHR, Рами Абдел Рахман.
Телевизисите снимки од Алепо прикажани на телевизијата Press TV покажуваа егзалтирани цивили кои го слават потиснувањето на бунтовниците од некогашната финансиска престолнина на Сирија по четири години.
Едно од предградијата од кое бунтовниците целосно се повлекле е и Бустан ал-Каср, некогаш најутврдениот дел од градот. Бунтовниците се повлекле во неколку населби во југоисточно Алепо, особено во Сукара и Машад, но војската соопшти дека „99 отсто од градот е ослободен“.
Главниот координатор на сириската опозиција Риад Хиџаб во понеделниот изјави дека падот Алепо нема да ја ослаби нивната решителност како противници на претседателот Башар ал-Асад да го тргнат од власта.
„Доколку Асад и неговите сојузници мислат дека воените успеси во некои квартови на Алепо значат дека ќе се согласиме на отстапки, тогаш им порачувам дека тоа нема да се случи. Нема да се согласиме на никакви отстапки“, рече Хиџаб, поранешен премиер во владата на Асад, за новинарите по средбата во Париз со францускиот претседател Франсоа Оланд, пренесе AFP. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во руски напад на Павлоград загинаа 12 лица
Во нападот на руски дронови што утрово беше извршен врз градот Павлоград загинаа 12 лица, а ранети се седуммина, соопшти шефот на воената управа на Дњепропетровската област, Александар Ганжа.
– Непријателско беспилотно летало експлодираше покрај службен автобус на едно од претпријатијата во Павлоградскиот округ. Според прелиминарните информации, 12 лица загинаа, а седуммина се повредени, се наведува во објавата на Ганжа.
Во исто време во руско бомбардирање на градот Славјанск во Доњецката област утрово загина 43-годишна жена, а уште една е ранета.
– Загина 43-годишна жена, жителка на Краматорск. Мое искрено сочувство до нејзиното семејство и пријателите. Една мештанка е повредена, информира началникот на воената управа на Славјанск, Вадим Љах.
Тој потврди дека во нападот се оштетени 14 повеќекатници, три автомобили, филијала на Нова пошта и деловен центар.
Свет
Бројот на жртви во пожарот во Швајцарија се искачи на 41, меѓу жртвите и 18-годишно момче
Почина осумнаесетгодишно момче кое беше повредено во пожарот во барот во Кран-Монтана, соопшти денеска швајцарската новинска агенција Keystone-SDA, повикувајќи се на обвинителството.
Младиот швајцарски државјанин починал во болница во Цирих. Со неговата смрт, бројот на жртви од пожарот во барот „Le Constellation“ во швајцарскиот центар Кран-Монтана се искачи на 41 лице.
Пожарот избувна за време на забава за Нова година, на која присуствувале главно млади луѓе, откако прскалки го запалиле таванот. Пламенот брзо се проширил, а многу луѓе останале заробени во подрумот, не можејќи навреме да побегнат преку тесните скали.
Повеќе од 100 луѓе беа повредени, од кои околу 80 претрпеа тешки изгореници.
Јавното обвинителство води истрага за убиство од небрежност, нанесување телесни повреди и предизвикување пожар.
Свет
Две лица загинаа во најновите руски напади со дронови врз Украина
Маж и жена загинаа во украинскиот град Днипро откако Русија изврши нов бран напади со дронови во текот на ноќта, соопштија денеска официјални лица.
Во нападот избувнал пожар, а една куќа е целосно уништена, изјави воената гувернерка Олександр Ханжа во објава на Телеграм.
Украинските воздухопловни сили соопштија дека Русија во текот на ноќта извршила вкупно 90 напади со дронови низ целата земја, од кои околу десетина завршиле со директни погодоци.
Нападите се случуваат во време кога руски и украински претставници денеска треба да се сретнат во Абу Даби на нови разговори за можен крај на војната.
Разговорите следуваат по слична средба одржана минатата недела, прва по подолга пауза, но овојпат без присуство на американски посредници.
Со цел создавање позитивна основа за разговорите, Русија го прифати барањето на американскиот претседател Доналд Трамп привремено да ги запре нападите врз украинската енергетска инфраструктура, откако претходните напади врз електраните оставија илјадници луѓе без струја, греење и вода, при температури под нулата.
Според Кремљ, ограничениот прекин на огнот треба да трае до денеска.
Во меѓувреме, во Украина продолжуваат работите за обновување на снабдувањето со електрична енергија по вчерашниот прекин, предизвикан од дефект на далноводите.
Градоначалникот на Киев, Виталиј Кличко, изјави дека околу 1.000 домаќинства и натаму се без греење, откако тешкото руско бомбардирање ја оштети електроенергетската и топлинската инфраструктура на главниот град.

