Топ
Мигрантката убиена во Гевгелија имала 23 години, сопругот ја гушкал додека умирала: Сакам правда за Фатима
Мигрантката која смртоносно беше застрелана од полицаец во Гевгелија имала 23 години и се викала Фатима. Невладината организација „Second tree“ објави детали за случајот. Во моментот на пукањето таа била со нејзиниот сопруг Абу Бакар, кој барал правда за неговата сопруга. Фатима ја минала грчката граница, откако земјата го одбила нејзиното барање за азил. Живеела во бегалски камп. Таа е убиена пред една недела, при турканица помеѓу шверцери на мигранти.
„Беше потресно полна со живот: секогаш подготвена да ја сподели својата сила и енергија, а особено да танцува. Таа танцуваше и пееше ‘со сиот глас’, како што кажа нејзината сестра Бинтија. Замислете ја вака, затоа што така ќе ја паметиме“, пишува невладината организација.
Додаваат дека таа и нејзиниот сорпуг кој ја гушкал во последните моменти, биле заедно уште од деца.
„Тие беа толку видно еден во друг што честопати на шега коментиравме: ‘Се надевам дека ќе најдам некој што ме сака така!’. Два месеци пред да биде убиена, Фатима му кажала на Абу Бакар дека е бремена. Немаа документи или пари, така што никогаш немаа тест за бременост. Сѐ уште не знае дали нивното прво дете починало со сопругата“, додава невладината организација.
Тие го опишаа и моментот кога Фатима била смртоносно застрелана.
„Абу Бакар бил со Фатима кога била застрелана. Таа го извика неговото име. Потоа молеше за помош. Тој беше врзан со лисици, држен во притвор еден ден без вести за неговата сопруга. Потоа му било понудено да го пуштат на граница, да продолжи кон Србија. Се разбира, тој сакаше да остане: ‘Сакам правда за Фатмата’, рече тој“, додава невладината организација.
Бакар се уште го бара телото на Фатима за да го види.
„Тој сè уште не знае каде е телото на Фатима и бара да ја види откако беа разделени. Сега има адвокат преку кој ќе бара правда. Ќе направиме сѐ што можеме за да го поддржиме него и семејството на Фатима. Потоа, Фатима му рече: ‘Сега сите врати изгледаат затворени, но друга врата ќе ни се отвори. Иднината ќе биде добра’. Првиот пат кога го прашавме Абу Бакар што му треба најмногу, тој рече: ‘Сакам светот да знае’. Ова е истата желба што ни ја изрази семејството на Фатима – таа беше најмладата од петте браќа и сестри. Во вестите ќе прочитате само за ‘млад мигрант’ кој загина убиен од полицијата, но луѓето што ја сакаат Фатима сакаат да знаат дека зад таа празна етикета се крие скапоцен, уникатен лик“, додаваат тие.
За смртта се води и истрага. Шверцерите се во притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кривична за поранешниот директор на СОЗР за поткуп, фалсификување, проневера: Финансиската полиција со детали
Управата за финансиска полиција до Основното јавно обвинителство Скопје поднесе кривична пријава против едно физичко лице, поранешен директор на Службата за општи и заеднички работи на Владата на Република Северна Македонија, за сторени кривични дела примање поткуп по член 357 став 1 и став 3 од КЗ на РМ, фалсификување службена исправа по член 361 став 1 од КЗ на РМ, проневера во службата по член 354 став 1 од КЗ на РМ и несовесно работење во службата по член 353-в став 2 од КЗ на РМ и едно физичко лице во својство на сопственик и управител на правен субјект од Скопје за сторено кривично дело давање поткуп по член 358 став 1 од КЗ на РМ.
Првопријавениот П. М, во својство на службено лице – директор на Службата за општи и заеднички работи на Владата на Република Северна Македонија, во периодот од 9.6.2021 година заклучно со 13.6.2024 година, свесно и со умисла, извршил службени дејства што не смеел да ги изврши и потпишал пет договори за јавни набавки со правен субјект од Скопје, во сопственост и управуван од страна на второпријавениот Г. П., a притоа не го пријавил постоењето судир на интереси, не се изземал од овие постапки за јавни набавки и во текот на целиот период, а и по престанувањето на функцијата директор, остварувал директна материјална корист за себе и за свое блиско лице од правниот субјект во сопственост и управуван од страна на второпријавениот Г. П. и со таквиот начин на постапување првопријавениот го сторил кривичното дело примање поткуп по член 357 став 1 и став 3 од Кривичниот законик на Република Северна Македонија, а второпријавениот го сторил кривичното дело давање поткуп по член 358 став 1 од Кривичниот законик на Република Северна Македонија.
Дополнително, првопријавениот П. М. свесно и со умисла во вкупно пет службени исправи – изјави за непостоење судир на интереси во постапките за претходно наведените јавни набавки, внесувал лажни и невистинити податоци и со свој потпис овозможил тие да бидат употребени како вистинити и со таквиот начин на постапување првопријавениот го сторил кривичното дело фалсификување службена исправа по член 361 став 1 од Кривичниот законик на Република Северна Македонија.
Првопријавениот П. М. во својство на директор на Службата за општи и заеднички работи, во периодот од 1.1.2022 заклучно со 13.6.2024 година, во повеќе наврати, прикажувајќи невистинити податоци дека се работи за службени патувања за службени потреби и цели, потпишувал барања за резервација на хотелско сместување, барања за резервација на авиобилети, решенија за упатување на службен пат во странство и налози за службен пат во странство и со тоа овозможил лично за себе и за други лица вработени во Службата да стекнат имотна корист во вид на хотелски сместувања, авиобилети за реализирани патувања, изнајмување рентакар-возила за приватни потреби и цели, како и исплатени дневници за службени патувања, во вкупен износ од 1.792.859 денари и за овој износ го оштетил буџетот на Службата за општи и заеднички работи на Владата на Република Северна Македонија и го сторил кривичното дело проневера во службата по член 354 став 1 од Кривичниот законик на Република Северна Македонија.
Исто така првопријавениот П. М. во својство на директор на Службата за општи и заеднички работи и во својство на одговорен менаџер – accountable manager на авиослужбата при Службата за општи и заеднички работи, иако знаел и бил свесен, а од 27.10.2023 година и запознаен со фактот дека едно лице вработено како пилот не ги исполнувало условите за капетан – водач на авион, со несовесното вршење на своите овластувања и должности му овозможил на ова лице во периодот од 27.10.2023 заклучно со 14.6.2024 година од Службата за општи и заеднички работи да му биде исплаќан месечен надоместок по основ на плата во својство на капетан – водач на авион и на овој начин првопријавениот овозможил лицето да стекне имотна корист во вкупен износ од 3.444.615 денари, а на штета на буџетот на Република Северна Македонија и со таквиот начин на постапување првопријавениот го сторил кривичното дело несовесно фработење во службата по член 353-в став 2 од Кривичниот законик на Република Северна Македонија
Македонија
Судскиот совет ќе формира комисија за постапките што се воделе против Јованов, кој ја прегази Фросина: „По увидот во сите списи, ќе кажеме дали има пропуст“
Судскиот совет ќе формира комисија, која ќе утврдува дали имало пропусти во претходните постапки што се воделе против 20-годишникот Васил Јованов, кој смртно ја прегази Фросина Кулакова на булеварот Партизански одреди.
„Почнавме, разгледуваме, а утре и формално ќе биде формирана комисија од страна на Судскиот совет. По извршениот увид во сите списи, ќе излеземе со став и ќе кажеме дали имало пропуст или не. Предмет на разгледување е општо сѐ за што имаше забелешки во јавноста, по сето тоа ќе се постапува“, изјави Камбовски.
Тој пред два дена рече дека во моментот не треба да се носат одлуки или да се изведуваат заклучоци, но не ја исклучи можноста повторно да се разгледаат досегашните случаи против Јованов. Во врска со прашањето за тоа какви казни определуваат судовите, Камбовски тогаш изјави дека недостига официјална анализа, која би покажала дали навистина секогаш се оди со поблаги казни оти законот предвидува најблага казна од 4 години, но највисока 20 години затвор. Тој смета дека драконски казни нема да го решат проблемот.
Фросина Кулакова беше прегазена на пешачки премин на булеварот Партизански одреди во Скопје на 29 јануари од 20-годишниот Васил Јованов за кого беше објавено дека возел пијан, без возачка дозвола и минал на црвено светло. Јавноста дополнително се вознемири по информациите дека возачот им бил познат на органите од постапка во која лани му се судело за неовластено производство и пуштање во промет наркотични дроги и прекурсори, но судот му одредил мерка поправен дом третирајќи го како помлад полнолетник. И претходно предизвикал сообраќајна незгода без возачка дозвола, но се спогодиле со оштетената страна.
Македонија
Денес во 16.30 часот тргнува првиот воз од Скопје за Куманово, ќе се патува 41 минута
Скопје и Куманово, по две и пол години прекин, повторно ќе бидат железнички поврзани. Министерот за транспорт и врски Александар Николоски извести дека од денес почнува да функционира редовна железничка линија.
„Денеска, тргнува првиот воз од Скопје за Куманово. Тоа го ветивме на отворањето на железничката пруга Куманово – Бељаковце и еве од денеска е вистина. Во 16.30 часот ќе тргне првиот воз од Скопје за Куманово. Патувањето ќе трае 41 минута. Ќе оперира двапати дневно. Наутро во 6.30 ќе тргнува од Куманово за да може сите оние на кои им е потребно да дојдат тука во главниот град, дали е за работа, дали за други потреби што ги имаат, и истиот воз во 16.30 ќе се враќа назад кон Куманово и, секако, во обратна насока кон Скопје. Значи, ќе имаме четири воза дневно што ќе оперираат за 41 минута, што, ќе се согласите сите, е навистина брзо. Од центарот на Скопје до центарот на Куманово ќе се патува за 41 минута, што многу ќе ја олесни комуникацијата меѓу овие два града“, рече министерот Николоски.
Возот од Куманово ќе продолжи и до Бељаковце оти само до таму во овој момент имаме железничка линија. Министерот Николовски очекува од октомври в година истиот воз да оди и до Крива Паланка кога ќе биде изградена пругата.
Во овој момент имаме пет активни воза, кои оперираат на македонските железници за патнички сообраќај, пет локомотиви, кои оперираат за товарен сообраќај, и четири локомотиви. Министерот вели дека од нула возови и нула локомотиви минатиот јули сега имаме вкупно 14 на македонските пруги.
Следни железнички линии што повторно ќе бидат воведени се оние до Тетово и Гостивар со амбиција да се врати и целата линија до Кичево, а понатаму и линиите до Штип и Кочани за кои министерот вели дека се градски линии оти сообраќаат на мали дестинации.
Редовната железничката линија меѓу Скопје и Куманово беше прекината во јуни 2022 година кога без најава и објаснување беа повлечени четирите воза што ја одржуваа.