Uncategorized
Саркози планира да протера 25 илјади нелегални имигранти
Протерување на 25 илјади нелегални имигранти во Франција планира за
наредната година да спроведе францускиот министер за внатрешни работи Николас
Саркози, пишува локалниот печат.
Протерување на 25 илјади нелегални имигранти во Франција
планира за наредната година да спроведе францускиот министер за внатрешни
работи Николас Саркози, пишува локалниот печат.
“Франција веќе не ги сака оние кои никој во светот не ги сака“, изјавил Саркози
на јавното сослушување пред сенатскиот Одбор за нелегална имиграција што се одржа синоќа, пишува “Ле Монд“.
Тој ги презентирал главните црти на предлогот-закон за имиграција што ќе биде
претставен во Парламентот на почетокот од наредната година.
Според Саркози, целта е да се протераат 25 илјади нелегални имигранти во 2006
година, чиј број секоја година се зголемува.
Така, пред две години биле протерани 12 илјади лица, лани 15 илјади, а
годинава, бројката ќе надмине 20 илјади нелегални имигранти кои живеат во
Франција.
Министерот не сакал школувањето на децата да стане нов извор на нелегална
имиграција и го поддржува протерувањето на нелегални имигрантски семејства со
деца кои се школуваат во Франција. Тој најави дека борбата против искористување
на нелегални работници, исто така, ќе биде приоритет на Владата во Париз.
Саркози потсетил за одлуката со која, работодавците кои ќе вработат нелегални
имигранти, мора да ги сносат трошоците на нивно враќање во татковината, односно
“да потрошат“ меѓу пет и 10 илјади евра.
Експертските проценки се дека во Франција, годишно, пристигнуваат околу 13
илјади нелегални имигранти што Саркози ги оцени како “очигледно потценување“.
Сепак, пресметките на министерот се дека годишно во државата се вселуваат меѓу
80 и 100 илјади имигранти, додека вкупниот број е меѓу 200 и 400 илјади лица.
Печатот ги пренесува и новите владини одлуки за јакнење на контролата на
имиграцијата по неодамнешните немири во француските предградија поради што во
државата беше воведена вонредна состојба.
Дел од мерките предвидуваат поголема контрола на бракови што се склучуваат со
странски државјани, построги услови за право на “собирање на семејство“, како и
за прием на странски студенти во државата.
Во Франција живеат меѓу пет и шест милиони имигранти што сочинуваат речиси 10
насто од вкупната популација./Крај/хи/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.