Uncategorized
Оставка на гувернерот на италијанската централна банка поради скандал
Гувернерот на Централната банка на Италија Антонио Фацио синоќа поднесе оставка поради банкарскиот скандал кој изби по апсењето на поранешниот директор на банката Пополаре Италиано (БПИ) Џианпиеро Фиорани, кого првиот човек на италијанското банкарство го поддржуваше во операцијата на купување на банката Антонвенета.
Гувернерот на Централната банка на Италија Антонио Фацио синоќа поднесе оставка поради банкарскиот скандал кој изби по апсењето на поранешниот директор на банката Пополаре Италиано (БПИ) Џианпиеро Фиорани, кого првиот човек на италијанското банкарство го поддржуваше во операцијата на купување на банката Антонвенета.
Обвинителите Франческо Греко, Џулуија Пероти и Еугенио Фусцо, кои ја водат истрагата околу нејасното купување на банката Антонвенета, го испитуваа Фиорани вкупно повеќе од 10 часови.
"Имавме политичка заштита на највисоко ниво", призна Фиорани, практично повикувајќи го гувернерот Фацио.
Сите политички партии бараа оставка на гувернерот, а италијанската влада на премиерот Силвио Берлускони за денеска најави расправа за законот за банки со кој би се ограничил мандатот на гувернерот и би се вовела можноста на барање негова оставка.
Тоа веројатно го наведе Фацио да поднесе оставка. До сега ниту една институција освен управниот одбор на централната банка не можела да побара оставка на гувернерот.
Фацио наводно му давал на Фиорани строго доверливи информации кои потоа директорот на БПИ ги искористил за купување на банка Антонвенета за која биле заинтересирани и Холанѓани. На крајот и холандската банка ја купила банката Антонвенета, а Фиорани заедно со уште три менаџери на банката е уапсен минатата недела.
Осомничени се дека како членови на криминална организација извлекле незаконска добивка од сомнителни финансиски трансакции и операции со недвижности, отворале сметки во странство и основале оф-шор друштва кои ги користеле преку посредници, за да ја покријат и да ја исперат заработувачката од незаконското работење.
Миланските обвинители отворија и истрага за делувањето на Фацио. Се претпоставува дека против него би можело да биде подигнато обвинение поради давање информации кои можеле да се користат на берзата. И Европската централна банка започна истрага за Антонио Фацио. Посебно се испитуваат скапоцените подароци кои Фацио наводно ги добивал од уапсениот директор на банка БПИ, Џианпиеро Фиорани./крај/х/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Таравари: Објавен тендер за компресорите во хируршките сали, кои не работат
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.