Uncategorized
Атентаторот на папата Јован Павле Втори, од денеска на слобода
Турчинот Мехмет Агџа, кој во 1981 година се обиде да го убие папата Јован Павле Втори, денеска е пуштен на слобода, откако во затвор помина речиси четврт век, јавуваат турските медиуми.
Турчинот Мехмет Али Агџа, кој во 1981 година се обиде да го убие папата Јован Павле Втори, денеска е пуштен на слобода, откако во затвор помина речиси четврт век, јавуваат турските медиуми.
Четириесет и осумгодишниот Али Агџа од 2000 година се наоѓа во затворот во Истанбул, каде што беше испорачан по 19 години поминати по италијанските затвори поради ранувањето на папата Јован Павле Втори на 13 мај на Плоштадот Свети Петар.
Али Агџа, кој има долго криминално досие е затворен штом бил вратен во Турција. Тој е затворен врз основа на пресуда, изречена во отсуство, поради убиство на Абди Ипекчи, познат директор на угледниот турски весник “Милиет“, што го извршил во 1979 година. Покрај тоа Агџа, во 2000 година е осуден на 36 години затвор поради два напади врз банка извршени во 70-тите години од минатиот век.
Али Агџа денеска ќе биде пуштен на слобода благодарејќи на амнестијата прогласена во 2002 година, како и поради смалувањето на затворските казни одобрени во согласност со реформите на турскиот казнен закон, што го бараше Европската унија.
По излегувањето од затвор Агџа треба да им се јави на турските воени власти, бидејќи се уште не служел војска, обврска задолжителна за секој Турчин постар од 18 години.
Во времето кога пукаше на папата, тогаш 23-годишниот Агџа беше милитант на екстремната десница, член на злогласните “Сиви волци“, и бегаше од турската полиција.
За време на својот живот папата Јован Павле Втори го посети Агџа во затворот и му прости, но околностите на атентатот никогаш не беа целосно разјаснети.
Обвиненијата против бугарските и советските тајни служби никогаш не беа докажани, а и самиот Агџа неколку пати ја менуваше верзијата, па дури и тврдеше дека неговото дело било дел од “Божјиот план“.
/крај/хн/ст/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024