Uncategorized
Путин во Париз бара поддршка од Германија, Франција и Шпанија

Рускиот претседател Владимир Путин би можел на денешната средба со лидерите Франција, Германија и Шпанија да избегне отворени критики за сметка на почитувањето на човековите права, иако нема да може да ја избегне Чеченија како тема.
Рускиот претседател Владимир Путин би можел на денешната средба со лидерите Франција, Германија и Шпанија да избегне отворени критики за сметка на почитувањето на човековите права, иако нема да може да ја избегне Чеченија како тема.
Една од целите на Путин би можела да биде и ветувањето на тројцата лидери дека ќе дојдат во Москва на 9 мај на прославата на 60-годишнината од завршувањето на Втората светска војна.
Разговорите со францускиот претседател Жак Ширак, германскиот канцелар Герхард Шредер и шпанскиот премиер Хозе Луис Сапатеро ќе се однесуваат и на внатрешните реформи во Русија, поради кои Путин често е критикуван на Запад.
“Тројцата лидери имаат заедничка оценка – дека односите со Русија мора да продолжат без оглед на Украина, внатрешната тврда линија во Русија и влошување на ситуација во Чеченија“, изјави пред средбата политичкиот аналитичар Томас Гомарт.
“Тие веруваат дека е можно да ја обноват климата на доверба за да се избегне Русија да стане изолирана”, додаде Гомарт, шеф на отсекот за Русија во парискиот Институт за надворешна политика (ИФРИ).
Желбата да се постигне хармонија би можела на Путин да му овозможи да го избегне ризикот на судир околу Иран, околу што Франција, Велика Британија и Германија се обидуваат да го убедат, да прекине со нуклеарната програма.
Катинка Баруш, аналитичар на лондонскиот Центар за европски реформи, очекува само благи критики на сметка на лидерот на Кремљ и тоа само на приватните средби.
Според неа, преку “приватната дипломатија“, на Путин “јасно би му се ставило до знаење дека, ако продолжи натаму на патот кон автократија и да се оддалечува од пазарната економија, секој план за подлабока интеграција во Европа ќе биде одложен”, оцени Баруш./крак/б/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.