Uncategorized
Шпанија близу договор за независноста на Каталонија
Шпанската влада е многу близу до постигнување договор околу контроверзниот статус за поголема независност на североисточната регија Каталонија откако синоќа беше склучен договор со една од главните каталонски партии.
Шпанската влада е многу близу до постигнување договор околу контроверзниот статус за поголема независност на североисточниот регион Каталонија откако синоќа беше склучен договор со една од главните каталонски партии.
Шпанскиот премиер Хосе Луиз Родригез Запатеро и Артут Мас, лидер на центристичката каталонска партија ЦиУ постигнаа начелен договор за автономниот статус на таа богата покраина.
Каталонскиот регионален премиер Паскал Марагал изјави дека дефинитивниот договор се очекува до крајот на неделата.
Каталонија сака нов статус за автономија, прв по 1979 година, кој би ја признал каталонската нација внатре во Шпанија, и би ги зголемил фискалните и правосудните овластувања, како и обврзна употреба на каталонскиот јазика од јавните службеници.
Овие предлози предизвикаа бес на десните партии кои ги доживуваат како закана на единството на Шпанија.
Владата месецов, го смени од должноста генералот Хосе Мена, командант на копнените сили на шпанската војска, поради изјавата дека војската ќе интервенира ако Каталонија добие преголеми овластувања./крај/хн/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.