Еврејската држава нема да преговара со палестинска влада што би го вклучила исламистичкото движење Хамас, што по победата на парламентарните избори би требало да состави нова влада – се закани израелскиот в.д. премиер Ехуд Олмерт.

Еврејската држава нема да преговара со палестинска влада што би го вклучила исламистичкото движење Хамас, што по победата на парламентарните избори би требало да состави нова влада – се закани израелскиот в.д. премиер Ехуд Олмерт.

По вонредната седница на Владата која траеше три часа и на која се разгледуваа синоќешните официјални резултати од палестинските избори, Олмерт рече дека “Израел нема да води никакви преговори со палестинска Влада што вклучува членови на оружена терористичка организација“.

Палестинскиот лидер Махмуд Абас, кој истовремено е шеф на поразената Фатах, признавајќи го поразот повика на мирна разврска на сите проблеми, односно повтори дека е го подржува мировниот договор.

Премиерот Ахмед Кореи од Фатах, по вчерашните резултати според кои Хамас освои 76 од 132 места во парламентот, ја понуди својата оставка и соопшти дека нема намера да се приклучи во новата влада на Хамас.

Меѓународните медијатори во меѓувреме ја повикаа Хамас веднаш да ги осуди насилствата, како дел од почетните напори за формирање на нова влада.

Таканаречениот Квартет, ООН, САД, Русија и ЕУ, во заедничко соопштение издадено синоќа го повикаа Хамас да се повлече од насилството како метод и да го признае правото на Израел на постоење како држава.

Високи претставници на „квартетот’ ќе се состанат во понеделник во Лондон да ја разгледаат новонастанатата ситуација и да усвојат мерки за одржување на мирот. На состанокот кој се оценува за многу важен ќе присуствува лично и генералниот секретар на Обединетите нации Кофи Анан.

Состанокот е обременет со нервозните изјави од Израел и од Хамас, но и од американскиот претседател Џорџ Буш, кој синоќа изјави дека САД нема да поддржат политичка партија во Палестинската автономија која се залага за уништување на Израел.

/крај/ббц/б