Uncategorized
Шоферот на принцезата Дијана заслепен со ласерско оружје?
![](https://makfax.com.mk/wp-content/uploads/2016/11/b0d28fd1-4584-460d-b00b-cd1c4d8680d6.jpeg)
Возачот на принцезата од Велс, Лејди Дијана, според најновите докази, можно е да бил заслепен од ласерско оружје – сметаат експертите кои ги истражуваат причините за смртта на англиската принцеза.
Возачот на принцезата од Велс, Лејди Дијана, според најновите докази, можно е да бил заслепен од ласерско оружје – сметаат експертите кои ги истражуваат причините за смртта на англиската принцеза.
Со ласерското оружје најверојатно управувале британски агенти, кои зраците ги упатиле кон возачот со цел да го заслепат, по што тој изгубил контрола над автомобилот и се удрил во тунелот на реката Сена во Париз.
Жртви од сообраќајната несреќа која се случи на 31 август 1997 година, беа принцезата Дијана, нејзиниот љубовник Доди Ал Фаед, и возачот на автомобилот, Французинот Анри Пол. Преживеа единствено телохранителот на англиската принцеза, Тревор Рајс Џонс.
Според двајца сведоци, ласерските зраци биле насочени од патник кој седел на задното седиште на мотор, кој во тунелот го претркал „мерцедесот“ во кој се возела принцезата Дијана.
Експертите откриваат дека тоа оружје го разработиле британските специјални служби, со цел да извршат атентат врз поранешниот југословенски претседател Слободан Милошевиќ во 1993 година, за време на неговиот престој во Женева.
Поранешниот главен шеф на лондонската полиција, лордот Стивенс, неодамна изјави дека случајот е многу позаплеткан отколку што се претпоставувало и смета дека таткото на Доди Ал Фаед, има основа да не верува во првичниот извештај за катастрофата.
Мохамед Ал Фаед тврдеше дека принцезата била бремена од син му и инцидентот бил организиран од британските тајни служби, со цел да не се дозволи мајката на британскиот престолонаследник да има дете од човек со муслиманска вероисповед
./крај/бгнес/мс/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Гаши на средба со амбасадорот на Австралија: Разговарано за билатералните односи меѓу двете земји
![](https://makfax.com.mk/wp-content/uploads/2024/07/австралија_2.jpg)
Претседателот на Собранието, Африм Гаши, се сретна со Даниел Џозеф Емери, амбасадор на Австралија за Република Северна Македонија (со седиште во Белград, Република Србија).
На средбата се разговараше за билатералните односи меѓу двете земји, а Гаши го запозна амбасадорот и со чекорите на Северна Македонија во насока на остварување на своите стратешки цели за што во континуитет имаме поддршка од нашите пријателски земји, меѓу кои и Австралија.
Гаши нагласи дека Северна Македонија и Австралија, иако се просторно многу далечни, всушност негуваат мошне блиски и пријателски односи и споделуваат слични вредности, особено во поглед на светскиот мир и демократијата.
Беше посочено дека наредната година се заокружуваат 30 години од воспоставувањето на билатералните односи меѓу двете земји. Тоа, како што беше заклучено, претставува дополнителен поттик за понатамошно продлабочување на соработката и во делот на економијата и инвестициите, особено ако се има предвид дека голем број граѓани по потекло од земјава живеат и работат во Австралија.
Соговорниците ја оценија како позитивна и продуктивна комуникацијата на ниво на парламенти и преку пратеничките групи за соработка, а во однос на мултилатералната соработка беше посебно истакнато партнерството во рамките на НАТО и членството во Обединетите нации.
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.