Uncategorized
Вендерс – Американците се отуѓени од светот
Славниот германски режисер Вим Вендерс смета дека неинформираноста ги прави Американците збунети и отуѓени од остатокот на светот.
Славниот германски режисер Вим Вендерс смета дека неинформираноста ги прави Американците збунети и отуѓени од остатокот на светот.
Нагласувајќи оти ја сака Америка, каде што често престојува, особено во Лос Анџелес, Вендерс на конференција за новинари во Белград рече дека Американците мислат дека се центарот на светот, но оти всушност живеат отуѓени од него.
Според Вендерс, тоа се должи на неинформираноста на Американците за остатокот на светот, нешто што е незамисливо за луѓето кои живеат во Европа.
“Американците се изгубени во сопствената самодоверба и многу малку знаат за другите“ рече Вендерс.
Повод за посетата на Вендерс на Белград е Меѓународниот филмски фестивал ФЕСТ што ќе биде затворен на 5 март со неговиот најнов филм “Кога минатото ќе затропа“.
Дел од опусот на прославениот Вендерс се филмовите "Париз, Тексас", "Небото над Берлин“, "Лисабонска приказна", "Буена виста сошл клаб", "До крајот на светот“ и “Хотел од милион долари“.
/крај/фонет/ег/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.