Uncategorized
ЕУ не го замрзнува – ќе го дефинира проширувањето
Европската унија (ЕУ) ќе го одржи ветувањето кон земјите од западен Балкан, но со многу услови кои допрва треба да бидат дефинирани, вклучувајќи и утврдување на „апсорпционата моќ“ на Унијата.
Европската унија (ЕУ) ќе го одржи ветувањето кон земјите од западен Балкан, но со многу услови кои допрва треба да бидат дефинирани, вклучувајќи и утврдување на „апсорпционата моќ“ на Унијата.
Ова може да се заклучи по денешната прес конференција и по збирните извештаи од Брисел, на крајот од дводневниот самит на ЕУ, во рамките на кој минатата ноќ и министрите за надворешни работи разговараа на темата проширување на Унијата.
Шефот на австриската дипломатија Урсула Пласник изјави денеска дека сите во Унијата потврдиле дека западен Балкан има отворена врата за членство во ЕУ, но и се согласи со оценката дека изјавите на некои европски лидери, како и ставовите изнесени во Европскиот парламент, “отвориле расправа за натамошните начини за прием на нови членки“ со предлог, Хрватската да ги продолжи преговорите за членство, а на другите земји да им се понуди „партнерство“.
Таа објасни дека „секогаш се залагала за поединечен пристап на секоја земја“. Тоа значи, додаде Пласник, дека приближувањето кон ЕУ мора да биде втемелено „на заслугите и во светло на проблемите со кои секоја од тие земји мора да се фати во костец“.
“Апсорпциониот капацитет (на ЕУ) е и логична и нормална работа“, изјави Пласник, одговарајќи на новинарско прашање дали европските министри конкретно ја разгледале “апсорпционата моќ“, односно способноста преку преуредување на своите уставно – институционални структури и финансиската поддршка на регионот да ги подготви за прием земјите од западен Балкан.
Според агенциските извештаи, шефот на холандската дипломатија Бернард Бот на состанокот нагласил дека иднината на Европа и приемот на нови членки мора да биде условен не само со новите уставно-институционални механизми, туку и со јасно сознание дека тоа ќе оди напоредно со општото подобрување на животниот стандард на граѓаните на ЕУ.
Според неговиот портпарол, Херман ван Гелдерен, ставот на официјален Хаг е дека „ветувањето од Солун“ за европската перспектива на западен Балкан мора да се одржи, но дека условите за тоа мораат да бидат крајно сериозно и остро поставени и спроведени.
Укажувајќи дека за тоа ќе бидат потребни неколку години, Бот напоменал дека отпор кон прием на нови членки има не само во Холандија и Франција, каде тоа беше искажано на референдумите, туку и во други земји на Унијата.
Според шефот на холандската дипломатија, ЕУ во минатото можеби била „пофлексибилна“ во поставувањето услови за прием на нови членки, но, сега, „тие мора крајно сериозно да се применат“, без какви и да е отстапки.
Холандија во пресрет на расправата поднесе документ во кој се наведува дека треба да се гарантира европската перспектива за членство на земјите од западен Балкан, но, дури откако тие во целост ќе бидат политичко и економски подготвени и кога ЕУ за тоа ќе има „апсорпциона моќ“.
Холандија на самитот во Брисел го истакнала барањето дека не може да се пристапува кон членство се додека “земјата која е во прашање во целост не ја спроведе содржината на Спогодбата за стабилизација и асоцијација“.
/крај/бета/ег/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024