Поранешниот либериски претседател Чарлс Тејлор синоќа е испорачан во Сиера Леона на судот за воени злосторства поддржан од Обединетите нации, каде ќе го чека судењето по обвиненијата што го товарат за брутални злосторства.

Поранешниот либериски претседател Чарлс Тејлор синоќа е испорачан во Сиера Леона на судот за воени злосторства поддржан од Обединетите нации, каде ќе го чека судењето по обвиненијата што го товарат за брутални злосторства.

Тејлор е испорачан во Монровија преку Либерија, откако Нигериските власти успеаја да го фатат во обид да избега во близина на границата со Камерун.

Поранешниот либериски претседател се наоѓаше во егизл во Нигерија близу три години, по договорот што овозможи крај на бруталната граѓанска војна во неговата земја и во Сиера Леоне.

Во понеделникот, тој исчезна од својот дом во Нигерија – властите се соочија со обвинување дека му помогнале да избега, по што следуваше акцијата за негово апсење, а Нигерија побара извинување од сите што ја обвинија за соработка со Тејлор.

Чарлс Тејлор треба да одговара за поттикнување на граѓанска војна во неговата земја, во соседната Сиера Леоне, каде што ги помагаше бунтовниците кои со години беа познати по тоа што ги сакатеа цивилите и за настабилност во другите соседни земји.

Тој е познат како „господар на војната“ уште од 1989, многу години пред да стане претседател на Либерија во 1997 година.

Тејлор се сочува со обвиненија за 17 дела на воени злосторства и нехумано постапување со цивили.

Судот е формирна во 2002 година во обид да ги изнесе пред лицето на правдата одговорните за децениската граѓанска војна во која страдаа десетици илјади цивили.

Обединетите нации го поддржуваат судот, но формално немаат надлежност врз него, затоа што е формиран од САД и Велика Британија. Судењето ќе се одвива комбинирано, според законите на Сиера Леоне и меѓународното хуманитарно право.

/крај/ббц/б