Во светот лани загинале 239 новинари и членови на разни медиумски тимови, 89 од нив се убиени со предумисла и за тие злосторства никој не одговарал, предупреди Европската новинарска федерација (ЕФЈ).

Во светот лани загинале 239 новинари и членови на разни медиумски тимови, 89 од нив се убиени со предумисла и за тие злосторства никој не одговарал, предупреди Европската новинарска федерација (ЕФЈ).

Членот на извршниот комитет на ЕФЈ Волфганг Меиер напомена дека особено загрижува фактот дека дури 89 новинари се ликвидирани со предумисла и оти ниту еден сторител на злосторствата не доспеал пред суд.

Според зборовите на генералниот секретар на Меѓународната федерација на новинарите (ИФЈ) Аидан Вајт, минатата година била најлоша во историјата на современото новинарство.

Тој на неодамна одржаното годишно собрание на ЕФЈ на Блед предупреди на земјите како што се Ирак, Мексико, Индонезија и Бразил, во кои новинарскиот живот очигледно не е на висока цена.

Според официјалните податоци новинарите во тие и слични земји се убиваат само затоа што се новинари и затоа што се занимаваат со истражувачко новинарство.

Новинари во тие земји се мета на мафијата, криминалците, терористите, параполитичките и паравоените групации. За тоа сведочат убиствата на новинарите на Филипините, во Колумбија, Хаити, Костарика, Мексико и Бразил, затоа што се занимавале со истражување на илегалните работи на наркомафијата или врските меѓу политиката и криминалот, рече Вајт.

Тој додаде дека загрижува податокот оти во Ирак ликвидирани се 35 новинари само затоа што биле вработени од странски медиумски куќи, главно европски или американски.

Маиер од ЕФЈ на бледското собрание ги повика сопствениците на медиумите да се позанимаваат со безбедноста на своите новинари, особено во подрачјата со висок ризик./крај/хн/ил