Uncategorized
Иран ќе се повлече од Договорот за неширење на нуклеарно оружје
Иранските власти се заканија денеска со повлекување од Договорот за неширење на атомско оружје, доколку САД продолжат со притисокот врз Техеран да прекине со својата нуклеарна програма, јавија светските агенции.
Иранските власти се заканија денеска со повлекување од Договорот за неширење на атомско оружје, доколку САД продолжат со притисокот врз Техеран да прекине со својата нуклеарна програма, јавија светските агенции.
Иранскиот парламент упати писмо до генералниот секретар на Обединетите Нации (ОН) Кофи Анан, во кое се наведува дека таа земја ќе го повлече потписот од Договорот доколку САД продолжат со притисоците.
„Доколку генералниот секретар на ОН и останатите членови на Советот за безбедност не успеат на мирен начин да ги решат недоразбирањата, не постои друга можност туку парламентот да побара од владата да го повлече потписот од договорот“, се наведува во писмото.
Портпаролот на иранското министерство за надворешни работи Хамид Реза Асефи изјави дека неговата влада нема да прифати ниту една Резолуција, која е против правата на Иран за спроведување на програмата за збогатување на ураниум.
Советот за безбедност на утрешната седница ќе ја разгледува нацрт Резолуцијата, според која Иран би морал во најкус рок да ја прекине програмата за збогатување на ураниум, во спротивно би се разгледувале „понатамошни мерки“, со кои би се обезбедело тоа барање.
Русија и Кина ставија до знаење дека не се согласуваат со резолуцијата и инсистираат од текстот да се исфрли секакво повикување на седмото поглавје од Повелбата на ОН, според кое Советот за безбедност дава овластувања од воведување санкции до воена интервенција. /крај/бна/с
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024