Одлуката на американскиот претседател Џорџ Буш да распореди шест илјади припадници на Националната гарда долж 3.200 долгата граница со Мексико и неговото барање до Конгресот да одобри повеќе средства за борба против илегалната имиграција, само ја зајакнаа расправата за тоа дали милиони лица кои илегално се во САД ги празнат или полнат џебовите на Владата.

Одлуката на американскиот претседател Џорџ Буш да распореди шест илјади припадници на Националната гарда долж 3.200 долгата граница со Мексико и неговото барање до Конгресот да одобри повеќе средства за борба против илегалната имиграција, само ја зајакнаа расправата за тоа дали милиони лица кои илегално се во САД ги празнат или полнат џебовите на Владата.

Илегалните имигранти чинат околу 20 милијарди долари годишно за школување, лечење и други јавни услуги, тврдат едни. Имигрантите плаќаат повеќе од седум милијарди долари годишно за даноци во социјалното осигурување што никогаш не ги, ниту нема да ги побаруваат, возвраќаат други.

Многу е тешко да се дојде до фактите. Дури и бројот на илегалци е отворен за расправа. Општо прифатената бројка е околу 11 милиони, но некои истражувачи тврдат дека бројот е многу поголем, до 20 милиони.

Само лани се уапсени 1,2 милиони лица кои се обиделе илегално да влезат од Мексико во САД, додека половина милион од нив успеале во овој обид.

На кој начин да се запре поплавата на нелегални имигранти е тема што ги подели Американците. Некои нелегални имигранти ги сметаат за криминалци додека други тврдат дека нема начин толкав број на луѓе да се депортираат и оти треба да им се даде шанса да го регулираат статусот.

Дали нелегалните дојденци земаат повеќе од што даваат? Или е обратно? И покрај многуте истражување, никој не знае што е точно. Уште повеќе што одговорот често го одразува ставот на оној кој говори отколку реалноста на нелегалните имигранти денес во САД, велат експертите.

“Поради политичкиот набој на прашањето, лицата внимателно ги бираат податоците кои им одговараат”, изјавил Џозеф Хок, економист на Калифорнискиот универзитет.

Тоа, меѓутоа, нема да го спречи Конгресот да се фати во костец со овие и други прашања. Лидерот на мнозинството, републиканецот Бил Фрист цврсто е решен да ги протурка реформите во имиграционата политика до крајот на мај.

Законот за кој ќе се води расправа вклучува зајакнато обезбедување на границите, нова програма за странски работници и условно отворање на патот кон евентуално добивање на државјанство за многу илегални работници во САД.

Законот би требало да ја утврди програмата за странските работници со која ќе им се овозможи да работат лошо платени работи додека со воведувањето на карти за идентификација за овие луѓе би се подобрила контролата на оние кои го кршат законот.

Притисокот за брзо делување се зголемува. Мнозинството Американци, според последните анкети, велат дека се вознемирени поради имиграцијата како еден од најважните проблеми со кои се соочува нацијата.

Обично се тврди дека повеќето нелегални имигранти слабо или минимално се образовани, дека живеат на или под линијата на сиромаштијата, малку придонесуваат во даночните давачки и извлекуваат корист од јавните услуги.

Проимигрантските групи возвраќаат со тврдењата дека, без разлика на тоа дали имигрантите плаќаат повеќе во такси отколку што добиваат од јавниот сектор или обратно–економската важност на илегалните дојденци не може да се порекне.