Uncategorized
САД ветија јавна истрага за масакрот во Хадита

Американските власти ветија јавна истрага за масакрот во Хадита, каде 24 лица беа убиени од американски маринци во ноември 2005.
Американските власти ветија јавна истрага за масакрот во Хадита, каде 24 лица беа убиени од американски маринци во ноември 2005.
Претседателот Буш е загрижен од извештаите во медиумите, но побара прво војската да ја заврши истрагата, која ќе биде отворена и јавна, изјави денеска портпаролот на Белата Куќа Тони Сноу.
Претходно и ирачкиот премиер Нури Малики вети истрага на ирачките власти, додавајќи дека „постои граница на прифатливи извинувања“ за цивилни жртви.
Би-Би-Си јави дека американскиот Пентагон е блиску до завршување на истрагата околу убиствата и обидот за прикривање на настанот, кој првично беше објаснуван како судир со милитанти.
Американските медиуми беа тие што го открија колежот во Хадита – најпрво Тајм, а пред неколку дена со детали излезе „Вашингтон пост“.
Според деталите, маринците извршиле упад во една населба во Хадита лути поради тоа што од бомба загинал еден нивен колега и пукале во мажи, жени и деца, убивајќи 24 лица.
За настанот сведочеше и 12 годишната Сафа Јунис, девојче кое го преживеала масакрот, преправајќи се дека е убиено.
„Американските војници, ја скршија вратата од куќата, го застрелаа татко ми и фрлија рачна граната во спалната. Тие продолжија да пукаат, јас се преправав дека сум мртва, а тие не забележаа“, изјави Јунис за ирачката група за човекови права „Хамураби“.
Капларот Роел Рајанс Брионс од Калифорнија, кој бил дел од маринците за расчитување на масакрот во денот на инцидентот, сведочеше за „Лос Ангелес Тајмс“, дека жртви на колежот „ беа и мали бебиња и деца, како и возрасни мажи и жени“.
„Никогаш нема да бидам во состојба да го исфрлам тоа од мојата глава. Се уште ја чувствувам мириста на крвта“, изјави капларот – очевидец и дел од тимот за расчистување. Тој тврди дека ги фотографирал жртвите.
Според американските медиуми, војниците и офицерите кои учествувале во масакрот ќе се соочат со кривични обвиненија по неколку основи.
Посматрачите во Вашингтон пак, оценуваат дека скандалот со масакрот во Хадита може да има многу посериозни последици врз вкупната американска политика во Ирак, отколку што беше скандалот со мачените Ирачани во затворот Абу Граиб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.