Uncategorized
Русија до 2015 година ќе потроши 186 милијарди долари на оружје
Русија до 2015 година ќе потроши 186 милијарди долари за купување на оружје, соопшти министерот за одбрана Сергеј Иванов.
Русија до 2015 година ќе потроши 186 милијарди долари за купување на оружје, соопшти министерот за одбрана Сергеј Иванов.
“Важно е парите да бидат потрошени ефикасно“, изјави Иванов, кој покрај министерската функција во Министерството за одбрана, е и заменик претседател во руската Влада.
Началникот на Генералштабот на руската војска, генералот Јури Балујевски, минатата година изрази стравување дека домашната индустрија нема да биде способна да обезбеди доволно оружје за руските вооружени сили до 2011 година.
Руската воена индустрија во секој случај обезбедува “квалитетна“ заработка, која минатата година достигнала шест милијарди долари.
Минатата година повеќе од 50 отсто од руското оружје е продадено на Кина, додека меѓу останатите купувачи се нашле и Индија, Сирија, Иран, Венецуела и Мианмар.
/крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.