Uncategorized
САД не се откажуваат од вселенското оружје
Соединетите американски држави (САД) ја повторија определбата за развој на оружје за користење во отворената вселена, за да ги заштитата воените и цивилните сателити.
САД ја повторија определбата да развијат оружје за користење во отворената вселена, за да ги заштитатат воените и цивилните сателити.
Во говорот на конференција за разоружувањето, висок претставник на департментот за контрола на вооружувањето на САД изјави дека овој оружен систем би бил само за одбрана.
Според него, Вашингтон не гледа смисла да разговара за ограничување на ширењето на оружјето во вселената, откако 40-годишната меѓународна спогодба со која се забранува оружје за масовно уништување во вселената останува на сила.
Џон Махонко изјави дека САД се исправени пред заканата од напад од земјата или од вселенски брод на друга држава, без да ги спомене потенцијални напаѓачи.
„Додека постои потенцијална закана од таков напад, нашата влада ќе продолжи да ја разгледува можната улога, која оружјата во вселената можат да ја одиграат за време на нападот“, изјави Махонко на форум на Обединетите нации во Женева.
Белата куќа ќе ја објави новата вселенска програма во текот на овој месец. Некои американски експерти сметаат дека со тоа се сака да се нагласи решението на Пентагон да ги зачува постоечките вселенски проекти, како и да ја потврди доминацијата во вселената.
САД и Велика Британија се под притисок да ги прифатат меѓународните вселенски преговори, на форумот во Женева на кој учествуваат 65 земји. Двете земји се единствените што останаа во опозиција во врска со ова прашање.
Минатата недела Русија и Кина предупредија дека вселенското оружје е исто толкава закана како и оружјето за масовно уништување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024