Американскиот претседател Џорџ Буш објави, дека би сакал да го затвори центарот за притвор на терористи во заливот Гвантанамо, но прво треба да се најде начин да се испратат уапсените дома.

Американскиот претседател Џорџ Буш објави, дека би сакал да го затвори центарот за притвор на терористи во заливот Гвантанамо, но прво треба да се најде начин да се испратат уапсените дома.

„Би сакал да се ставам крај на Гвантанамо", рече Буш на пресконференција по крајот на средбата меѓу САД и Европската унија во Виена.

Сепак, Буш истакна, дека некои од затворениците ќе бидат судени, зашто се „ладнокрвни убијци”. „Тие ќе убијат некого, ако бидат оставени на улица”, коментира претседателот, кој додаде дека ја разбира европската загриженост околу американскиот логор во Куба.

Во почетниот дел од самитот САД-ЕУ, двете страни се согласија дека по подолго време е неопходно да се одмрзнат преговорите за либерализација на светската трговија.

Дваесет и пет држави на ЕУ, бараат од Вашингтон да понуди поголеми отстапки, посебно во смалувањето на државната помош на американските фармери, пред да започне новата рунда преговори на Светската трговска организација (СТО) кон крајот на јуни во Женева.

И ЕУ и САД, се обвинети дека не прават доволно да ги отворат своите пазари за земјоделските производи, додека од своја страна, двајцата трговски џинови бараат од водечките земји во развој, како Индија и Бразил, да ги либерализираат своите индустриски и услужни сектори.

Преку атлантското работење во стока и сервиси сега изнесува 2,14 милијарди долари на ден. Трговијата меѓу ЕУ и САД изнесувала 627,4 милијарди долари во 2005 година, што далеку ја надминува трговијата со Кина (225, 2 милијарди), Русија (177,6 милијарди) или Јапонија (144,5 милијарди долари).

Сепак, официјални лица велат дека малку е веројатно оти овие разговори ќе дадат значаен поттик на напорите ова лето да биде постигнат долгорочен договор за слободна светска трговија.

/макфакс/