Uncategorized
Уапсени седум осомничени за терористички напади
Седум лица се уапсени во американскиот град Мајами под обвинение дека подготвуваат терористички напади, соопшти официјален претставник на Флорида.
Седум лица се уапсени во американскиот град Мајами под обвинение дека подготвуваат терористички напади, соопшти официјален претставник на Флорида.
Федералното истражно биро (ФБИ) ги уапси осомничените, поради сознанија дека подготвувале напад врз највисоката кула во Чикаго, 110-катната „Сиарс Тауер“, како и врз други цели во САД.
Не е соопштен идентитетот на седуммината кои се уапсени во сиромашниот дел на северот на Мајами наречен „Либерти сити“.
Полицијата соопшти дека подготовките за нападите биле во почетна фаза и дека не постоела непосредна закана за безбедноста на општеството. Во соопштението се додава дека кај уапсените не било пронајдено никакво оружје.
Агенцијата Асошијетед Прес, повикувајќи се на свој анонимен извор во полицијата, јави дека уапсените немаат никаква врска со терористичката мрежа „Ал-Каеда“, ниту на некоја друга организација.
Агенцијата „Ројтерс“ јави дека групата е уапсена, откако во неа се инфилтрирал човек на ФБИ, претставувајќи се дека е терорист.
Главниот обвинител на САД, Алберто Гонзалес закажа за денеска прес-конференција, на која се очекува соопшти повеќе детали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Намалена видливост поради магла од 50 до 100 м во Битола, Прилеп, Гостивар, Штип и во Струмица
Намалена видливост поради магла од 50 до 100 м има во Битола, Прилеп, Гостивар, Штип и Струмица, соопштуваат од АМСМ.
„Сообраќајот на државните патишта се одвива во зимски услови, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, посочуваат од АМСМ.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.