Uncategorized
Израел нападна повеќе цели во појасот Газа
Израелската армија ноќеска со хеликоптери нападна повеќе цели во појасот Газа, во настојување да го ослободи киднапираниот војник.
Израелската армија ноќеска со хеликоптери нападна повеќе цели во појасот Газа, во настојување да го ослободи киднапираниот војник.
Со воени хеликоптери е нападната и зградата, во која се наоѓа кабинетот на палестинскиот министер за внатрешни работи, при што избувнал пожар. Нема извештаи за загинати и повредени
Израел упати и заканувачко писмо до палестинската влада дека ќе го ликвидира премиерот и лидер на радикалната партија „Хамас“, Исмаил Ханија, доколку веднаш не биде ослободен израелскиот војник.
Досега Израел уапси вкупно 64 членови на Хамас, меѓу кои се и 8 министри и 22 парламентарци, соопшти портпаролот на израелската војска. Тие нема да бидат бргу ослободени, бидејќи на дел од нив, Израел сака да им суди за вмешаност во терористички активности.
Палестинскиот претседател Махмуд Абас побара помош од Обединетите нации за ослободување на министрите од владата на Хамас, кои ги уапси Израел.
Арапската лига во Њујорк побара од Советот за безбедност веднаш да расправа за ескалацијата на настаните во појасот Газа.
Најмалку еден палестински герилец загина, а неколку се ранети во ноќешните напади на израелската војска, соопшти претставник на палестинските вооружени групи.
Претседателот на Египет, Хосни Мубарак изјави дека разговарал со претставници на Хамас, при што му било ветено условно ослободување на израелскиот војник.
Истовремено лидерот на опозицијата во Египет, кој е и духовен водач на групата „Браќа муслимани“, Мохамед Магди Акаф, го повика сиот арапски и муслимански свет да покажат гнев во протестите против страдањата на палестинците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Возило паднало во водите на реката Радика, има загинати, во прекин сообраќајот Маврово-Дебар
Патничко моторно возило попладнево паднало во реката Радика, на локација кај Манастирот „Св. Јован Бигорски“.
„Од 18:30 часот, сообраќајот на регионалниот пат Маврово -Дебар е во прекин поради извлекување на патничко моторно возило од сообраќајната незгода со загинати лица од водите на реката Радика во близина на Манастирот св.Јован Бигорски, соопшти АМСМ.
Uncategorized
(Видео) Владата ги намали парите за загаден воздух за 50 отсто во споредба со лани, рече Лукаревска и праша кои конкретни мерки се преземени
Пратеничката на СДСМ, Сања Лукаревска, на денешната седница посветена на пратенички прашања го праша министерот за животна средина и просторно планирање, Мухамед Хоџа, за кратењето на буџетските средства за заштита на животната средина и за тоа како Владата планира да се справи со аерозагадувањето кога од година на година ги намалува средствата за оваа намена.
„Во ребалансот на буџетот за 2025 година – заштитата на животната средина како функција на државата има евидентно намалување на буџетските средства за 13,4 % во износ од 868 милиони денари помалку сведувајќи се од 6,4 милијарди на речиси 5,6 милијарди денари за фискалната година. Најголемата промена е во ставката – намалување на загадувањето, каде што првично планираните 3,2 милијарди денари се сведуваат на 2,6 милијарди денари, што претставува приближно 19 % намален буџет, а во однос на претходната година планирано е тој да се намали за 48,2 %, тоа е речиси 50 %“, рече Лукаревска.
Таа нагласи дека е несвојствено да се кратат средства за области кои се рак рана на општеството и изрази загриженост за тоа како ќе се справиме со загадувањето, кој ќе биде третманот за отпадни води, како ќе ја заштитиме природата, каков квалитет на воздухот ќе имаме, како ќе се зајакне надзорната функција на Државниот инспекторат за труд и како ќе се унапредува животната средина.
„Моето прашање е кои конкретни мерки ги преземате како Влада, односно како ресорно министерство во борбата против аерозагадувањето имајќи го предвид фактот дека од година на година со секој буџет и ребаланс на буџетот ги намалувате средствата за справување со овој огромен проблем ?“, праша Лукаревска.
Лукаревска постави прашање и до министерот за економија и труд, Бесар Дурмиши, за неисполнувањето на обврските од реформската агенда, односно обврските за три реформи, кои се однесуваат на подобрување на деловната клима за малите и средните претпријатија.
Uncategorized
Израелски напад врз училиште во Појасот Газа
Петмина Палестинци загинаа при израелскиот напад врз училиште во квартот Ал Туфа, источно од градот Газа, каде се сместени раселени лица.
Помеѓу загинатите има и деца. При нападот повредени се и повеќе лица кои се хоспитализирани.
Израелската армија соопшти дека неколку осомничени лица се идентификувани надвор од обележаната линија за прекин на огнот и оти отвориле оган врз нив.
Хамас нападот го оцени како „брутално злосторство“ и уште едно кршење на Договорот за прекин на огнот.
Според палестинското Министерство за здравство во Газа, од стапувањето во сила на Договорот за прекин на огнот, убиени се 400 Палестинци.

