Uncategorized
Над 60 илјади смртни случаи од УВ зрачење
Над 60 илјади смртни случаи во светот се предизвикани од преголема изложеност на сончева ултравиолетова (УВ) радијација.
Над 60 илјади смртни случаи во светот се предизвикани од преголема изложеност на сончева ултравиолетова (УВ) радијација.
Ова се наведува во најновиот извештај за глобални заболувања предизвикани од сончева радијација, изготвен од Светската здравствена организација (СЗО), што е објавен денеска.
Околу 48 илјади смртни случаи се последица на малигни меланом (потемнување на пигментот), а во 12 илјади случаи смртта настапила поради неколку видови на карцином што се јавуваат на кожата, се вели извештајот за „Глобални заболувања од сончевите зраци“.
Во својот прв извештај СЗО укажува дека „ ова глобално испитување на здравствените ризици како резултат на УВ радијацијата, претставува и основа за почеток на јавна здравствена акција“.
На сите ни е потребно сонце, но премногу сонце може да биде опасно, па дури и смртоносно. „За среќа, потребни се едноставни мерки за да се делува превентивно“ вели доктор Марија Неира, директор на одделот за јавно здравје и животна средина при СЗО.
Недостигот на витамин „Д“ во организмот е најголемата и основна причина за појава на кожните заболувања, предупредуваат од СЗО. Од таму и апел луѓето да се изложуваат на сонце, што е можно помалку, за да се одржи потребното ниво на витаминот „Д“ во организмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.