Uncategorized
Голема против-терористичка акција на полицијата
![](https://makfax.com.mk/wp-content/uploads/2016/11/2420f906-f272-4e25-abf5-d25e755e6364.jpeg)
Голема анти-терористичка акција изведе ноќеска британската полицијата изјави министерот за внатрешни работи Џон Рид.
Голема анти-терористичка акција изведе ноќеска британската полицијата изјави министерот за внатрешни работи Џон Рид.
Пресечено е она, за што ние веруваме дека е голема закана за Обединетото кралство и за странските партнери, изјави Рид, потврдувајќи ги и официјално вестите за заканите од терористички напади на британски авиони.
„Полицијата заедно со Службата за безбедност МИ5, истражува заговор да се урнат неколку авиони со експлозии во текот на летот, предизвикувајќи значителна загуба на животи“, соопшти британскиот министер за внатрешни работи.
Во 2 часот утрово Здружениот терористички аналитички центар го подигна нивото на заканата во Обединетото кралство на највисоко ниво на -„критично“ , предупреди Рид.
Најмалку 20 лица се уапсени во Велика Британија поради сомневање дека учествувале во подготовката на големите терористички напади во воздушниот транспорт, соопшти полицијата.
„Тоа е голема операција, што неизбежно ќе биде долга и комплексна“, јави британската телевизија „Скај Њуз“, повикувајќи се на полициски извори.
Според истите извори група терористи се подготвувале да активираат бомби, тајно внесени во авиони во рачниот багаж. Планирано било терористичките напади да бидат извршени во најскоро време во британски авиони над неколку градови во Велика Британија и Соединетите Американски Држави(САД).
Неколку месеци траела акцијата за откривање на заговорите и подготовката на операцијата за апсење на осомничените од страна на анти терористичките оддели на Скотланд Јард и специјалните служби на Велика Британија.
„Сакавме уште веднаш да го увериме народот дека операцијата е спроведена, имајќи ја впредвид пред се јавната безбедност“, се наведува во официјалното соопштение на Скотланд Јард.
По објавувањето на веста за можните бомбашки напади, авиокомпанијата „Бритиш ервејз“, забрани внесување на рачен багаж во авионите.
/крај/бг/ббц/ам/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.