Uncategorized
Синот на Толкин проговори во јавноста за „Легендата на Сигурд и Гудрун“

Синот на Џон Роналд Роел Толкин, еден од најпопуларните автори на средината на XX век, излезе во јавноста и им призна на фановите на неговиот татко дека неговото последно објавено дело е можеби малку одбивно за читање поради неговата стиховна форма
Одговарајќи на низа прашања за „Легендата на Сигурд и Гудрун“, Кристофер Толкин ја искажа својата желба и надеж дека овој еп ќе покаже една поинаква страна во творештвото на неговиот татко.Овој еп од 500 страници е колекција од нордиски митови кои потекнуваат од 13 век, а Кристофер Толкин го опишува како „непозната територија“ за повеќето читатели. „Можам да кажам дека многумина веднаш би биле обесхрабрени да го прочитаат ова дело поради неговата обемна форма во стих. Се надевам дека оние кои го ценат и му се восхитуваат на творештвото на мојот татко ќе ја сметаат оваа книга за вистинско просветлување, пред се‘ поради неговата слика за стравот, страста и легендата“, продолжува тој.Џон Роналд Роел Толкин во последните педесетина години успеа да продаде над 150 милиони примероци од своите дела. Благодарение на филмската трилогија на „Господарот на прстените“ на Питер Џексон неговата популарност достигна огромни размери, а неговата книжевност влијаеше да се создаде нов жанр – fantazy literature. „Легендата на Сигурд и Гудрун“ – дел од оваа легенда се среќава и во Вагнеровото дело „Нибелуншкиот прстен“. Помалку е позната оваа верзија на Толкин, но сцените во кои Сигурд го убива змејот Фафнир се директна врска со неколку сцени од „Хобитот“ и „Господарот на прстените“. Книгата е во стих, како и секој голем цивилизациски еп.Инаку, Толкин е писател со огромно познавање на митологијата, писател кој познавал огромен број јазици – латински, старогрчки, француски, германски, средновековен англиски, фински, готски, шпански, велшки, дански, холандски, норвешки, руски, старословенски, литвански, староисландски… Неговите белешки за „Сага за Нибелунзите“ и „Беовулф“ денес се сметаат за задолжителна литература при проучувањето на митологијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.