Uncategorized
Русија ја обвини Грузија дека ја одбрала војната
Русија денеска ја обвини од Грузија дека одбрала воен пат за решавање на своите проблеми.
Русија денеска ја обвини од Грузија дека одбрала воен пат за решавање на своите проблеми.
„Грузија избра воен пат за решавање на конфликтите во Абхазија и во Јужна Осетија“ – изјави денеска во Порторож вицепремиерот и министер за одбрана на Русија Сергеј Иванов.
Овој став искажан на прес конференција во Порторож каде се одржува неформалната средба НАТО – Русија, беше коментарот на Иванов за најновото заострување на односите меѓу Москва и Тбилиси.
Тој додаде дека не смее да се заборави, оти 90 отсто од населението во Абхазија и во Јужна Осетија се изјаснуваат како руски државјани.
Сериозно предупредување во истата насока, во Москва изрече и претседателот на Горниот дом на рускиот парламент Сергеј Миронов.
Употребата на речникот „шпионски игри’ од страна на Грузија значи дека тие ја одбрале војната, рече Миронов, повикувајќи се на „историското искуство“.
Двете држави нагло ги влошија односите во последните три дена, откако Грузија уапси петмина руски граѓани, од кои четворица офицери и ги обвини за шпионажа. Изутрината, цивилното лице беше ослободено, но, офицерите беа изведени пред истражен судија поради одредување мерка притвор до почетокот на судењето.
Русија вчера нареди повлекување на речиси сиот персонал во Грузија, вклучувајќи го и амбасадорот. Два авиона со 80 руски службеници и офицери денеска го напуштија аеродромот во Тбилиси.
Грузиските власти пак, ја оценуваат руската реакција како „хистерија’ и предупредуваат дека токму Москва со војска ги поддржува сепаратистите во Абхазија и Јужна Осетија.
Властите остануваат на тврдењето дека уапсените, вклучувајќи и десетина Грузијци се руски шпиони кои работеле на собирање најразлични информации за Грузија, а биле вмешани и во напад со бомба во еден град во Грузија неодамна, при што загинаа три лица.
Грузиските власти своите тврдења ги поткрепуваат и со видео снимки од нивните контра разузнавачки служби./крај/риа/ббц/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024