Uncategorized
Постојана љубов, талент и желба за игра
Нуркачи во височина: Љубица Гојковиќ, актерка
Пишува: Лилјана МАЗОВАЉубица Гојковиќ е дете на театарот. Откако памети за себе е во театарот, на сцената, во гримиорната, во салонот, во театарското бифе. Така е речиси откако се родила (1945, Куманово). Со театар ја заразил татко ì, актерот Ѓоко Николовски (се занимавал и со режија), кој е еден од неговите основачи, петтемина кои биле во првиот професионален состав на Народниот театар во Куманово, основан во јануари 1948 г., што работел и дотогаш, ама со аматерски или полупрофесионален статус.Љубица, или Буба, од најраното детство била во овој театар: како публика, како актерка, едно време и негов директор. Сега е на заслужената пензија и пак е во својот театар во Куманово. Игра во претстави што се поставуваат. Се случи своевиден исклучок/настан: на првата вечер на 44. Македонски театарски фестивал “Војдан Чернодрински” во Прилеп, на 5 јуни годинава, Љубица си ја прими наградата за животно дело “Војдан Чернодрински”, а само неколку вечери подоцна, пак, беше на сцената: како Султана во Тетовирани души на Горан Стефановски, во режија на Јани Бојаџи, со која Кумановскиот театар настапи во официјалната/натпреварувачка програма на годинашниот МТФ. Претставата на репертоарот е од септември 2008 година.Буба играла или игра и во други претстави на својот театар. Во него е и кога не игра, кога само наминува да го види театарот, да ги помириса неговите мириси, да се води со колегите од која било генерација, да дознае што ново се планира и дали ќе ја има и во новата поделба. Играла многу, ги поминала речиси сите премрежја на овој театар кои и не се малку. Буба секогаш со невиден жар и ентузијазам верувала дека доаѓаат подобри времиња. И доаѓале нови претстави, нова публика, нови радости и средби со ликови, текстови, режисери, нови колеги, нови генерации на секогаш љубопитната театарска публика во Куманово.Иако од дете била во Кумановскиот театар, официјално негов член е од 1966 г. Сè во нејзиниот живот е врзано за Куманово: се родила, се образувала, студирала, живеела, создавала во Куманово. Како и секоја добра актерка, особено во помала средина, има период кога играла во секоја нова претстава. Разни ликови на девојки, жени, борци, љубовници, мајки… Во сите тие ликови доминирала нејзината љубов, талент, сценичност, специфичната боја на јакиот глас. Има и една посебност: ако се стави во втор план нејзиното чувство за комика (што речиси им е вродено на кумановци), Буба секогаш кулминирала во таканаречените трагични ликови, затоа што секогаш умеела од себе да го извади најчовечното чувство − да ја доживее трагиката на личноста сместена во времето. Без разлика дали станувало збор за антички хероини, за ликови од светската или домашната класика, или од современата драмска литература. Ги одиграла и Софоклевата Електра во истоимената трагедија, Мајката во Дејството на гама зраците врз сенишните невени за која ја доби Ноемвриската награда на Куманово (1983), госпоѓата Говен во Реквием за калуѓерката од Фокнер, ликовите на мајките во Чест и Гаме оњер, ја играла Ташана, Рајна во Лет во место. Публиката иако секогаш ја сакала, најдолго и со генерации ја памети како Ленче во Бегалка. Чувството за хумор го изразувала и изразува низ разни хумористични серии, а добитник е и на награда токму за тие креации пак на своето Куманово, во 1995 г.Кога говори за театарот, исто како и на сцената, полна е со страст и со лични искуства и ставови. Го сака времето во кое таа, заедно со колегите, дневно била и на по две проби за нова или нови претстави, кога дневно играла и во две претстави пред полн салон публика. Зашто, освен во вечерните или претстави за возрасни, Буба одиграла и ликови во недобројни претстави за деца.Буба, онака витка, младолика, отворена кон сè што е ново, љуби на свој начин и да теоретизира/расправа за театарот. За тоа дека тој постојана еволуира, расте, зрее и се надградува; дека театарот никогаш нема да згасне, дека младите со време ќе се стекнат со страста и жарот што го имала таа и нејзината генерација. Верува и дека репертоарот на театарот мора да има разни содржини − драми, комедии, трагедии − дека публиката знае најдобро да го оцени доброто во репертоарот и најдоброто од актерот. Игра и верува дека во поделбата на новата претстава пак ќе има лик што таа ќе го одигра со својата посветеност и љубов на она за што го живеела и живее животот − театарот, нејзиниот Кумановски театар. Авторката е театарска критичарка и публицистка
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Oсмани: Ја победивме албанската опозиција со над 40.000 гласа, да се почитува волјата на народот
Прелиминарните резултати покажуваaт длабока победа на Европскиот Фронт, наспроти албанската опозиција со над 40 илјади гласа, изјави кандидатот за претседател, Бујар Османи, кој според првичните неофицијални резултати е пред неговиот опонент од албанскиот опозициски блок, Арбен Таравари.
„Оваа победа само докажува дека Европскиот фронт станува една голема локомотива за европската иднина на нашата држава“, рече Османи, додавајќи дека волјата на народот е јасна и треба да се почитува од сите.
Како што додаде, резултатите покажуваат дека се уште имаме поделено општество, притоа нагласувајќи дека Албанците, Турците, Бошњаците, Ромите кажале дека самите одлучуваат за својата иднина и никогаш нема да дозволат некој друг да одлучува за нив.
Приврзаниците на ДУИ вечерва се собраа на плоштадот „Скендербег“ во Скопје за да ја слават објавата на првичните неофицијални резултати од првиот круг.
Uncategorized
Демири, Ставридис, Ди Џовани и Јохансен: Бележиме зголемување на опфатот со вакцинација, но сè уште е под препорачаните 95 отсто
Министерот за здравство д-р Илир Демири, специјалната претставничка на СЗО во земјава, д-р Ане Јохансен, претставничката на УНИЦЕФ за Република Северна Македонија, Патриција ДиЏовани и д-р Кети Ставридис од Институтот за јавно здравје, одржаа заедничка прес-конференција, на која информираа за опфатот со имунизација во државата по повод одбележување на Европската недела за имунизација.
Демири, потенцираше дека Министерството за здравство со поддршка на УН агенциите презема повеќе активности за одбележување на Европската недела на имунизација.
-Се организира акција која веќе е во тек, таканаречена „спринт за имунизација“, каде над 70 тимови на доктори и медицински сестри ќе излезат на терет и ќе посетат над 3.000 семејства на невакцинирани деца со фокус на вакцинација за пертусис и морбили. Исто така, Министерството за здравство од Програмата за имунизација обезбеди средства за сите вакцинални пунктови при здравствените домови низ Македонија достојно да ја одбележат неделата за имунизација со настани поврзани за прмоција, рече Демири.
Тој апелираше до родителите да ги вакцинираат децата, затоа што високиот опфат на вакцинација на соодветна возраст, создава колективен имунитет.
-Со редовна вакцинација ги заштитуваме децата, најблиските и пошироката заедница од тешки заразни заболувања. Вакцините се апсолутно безбедни, а со воведувањето на вакцинацијата како мерка за заштита од заразни болести се постигнати најдобрите резултати во историјата на медицината“, изјави Демири.
Д-р Ставридис ги презентираше најновите бројки во однос на стапката за вакцинација во 2023 година, од што може да се констатира дека опфатот со задолжителните вакцини во земјава сè уште е под препорачаните 95% и за сите вакцини е под 90 отсто.
-Во нашата земја по дваесет години, првпат во 2020 година, е регистриран опфат под 90 отсто за примовакцинација со три дози на ДиТеПер/ИПВ вакцина. Во текот 2023 година, опфатот за примовакцинацијата со три дози на ДиТеПер/ИПВ/ХиБ вакцина, како и вакцината против хепатит Б, бележи зголемување во однос на 2021 и 2022 година, но сепак е понизок од 90%. Опфатот на примовакцинација (со три дози) со вакцините вклучени во поливалентните вакцини (ХиБ/ДиТеПер/ИПВ), бележи зголемување во однос на 2022 година (84,1%) и изнесува 86,3 %, а за вакцината против Хепатит Б изнесува 85,8%, посочи д-р Ставридис.
ДиЏовани ги повика родителите да ги вакцинираат своите деца за враќање на колективниот имунитет.
-Не чекајте да избие епидемија за да ги заштитите вашите деца. Веројатно не се сеќавате дека вашите родители ве одвеле на вакцинација, но со тоа помогнале да станете дел од едно од најголемите достигнувања на човештвото. Обезбедете им ја на вашите деца заштитата што ви ја дале вашите родители во минатото. Заедно можеме да направиме пресврт и да го вратиме колективниот имунитет, изјави ДиЏовани.
Јохансен потенцираше дека во моментов со финансиска поддршка на УСАИД, Светската здравствена организација ја поддржува иницијативата „Спринт за имунизација“ низ целата земја.
-Оваа иницијатива има за цел да ја подобри пристапноста и да ги зголеми стапките на покриеност во сите региони на државата преку проширување на достапноста за услугите за вакцинација на локално ниво, обезбедување вакцинација на самото место преку мобилни тимови за вакцинација на национално ниво и делење информативни материјали за имунизација базирани на докази. Овие наши активности ќе траат сè додека секое лице кое ги исполнува условите не биде целосно вакцинирано. СЗО ќе продолжи и во иднина да ги поддржува владините напори за зајакнување на програмите за имунизација, вклучително и поддршка во развојот на новиот Правилник за имунизација, зајакнување на капацитетите за планирање и спроведување на процесите на вакцинација и поддршка на успешното спроведување на националниот план за вакцинација и многу повеќе, истакна Јохансен.
Во однос на вакцинацијата, опфатот со ротавирусната вакцина (од воведувањето во 2019 година) континуирано бележи пораст, достигнувајќи 67,9 отсто.
Опфатот со МРП вакцинација, бележи зголемување во однос на 2022 година (70,7%), но сè уште има низок опфат од 73,4 отсто што е далеку од препорачаниот опфат од 95 отсто.
Вакцината против ХПВ инфекција, како и секоја година од воведувањето, има најнизок опфат (56,6%). Сепак, бележи зголемување на опфатот во однос на 2022 година (52,5%), а особено во однос на 2020 година (35,5%).
Со исклучителен успех е спроведена вакцинацијата на територијата на Пехчево, каде опфатот за сите вакцини е 100 отсто. На територијата на ЦЈЗ Кочани, ЦЈЗ Кочани/ПЕ Виница, ЦЈЗ Охрид/ПЕ Дебар и ЦЈЗ Куманово/ ПЕ Кратово за сите вакцини опфатот е над 90 отсто, а за одредени вакцини достигнува 100 отсто.
Uncategorized
Изведба на балетскиот триптих „Молитви на моето тело“ во рамките на фестивалот „Танц фест Скопје 2024“
На 23 април, со почеток во 20 часот, ќе се изведе балетскиот триптих „Молитви на моето тело“, инспириран од циклусот поезија со истоимениот наслов од поетот Ацо Шопов. Балетскиот триптих ќе се изведе во рамките на јубилејното 20. издание на интернационалниот фестивал „Танц фест Скопје 2024“.
Креативниот мозаик е составен од авторите: идејата за проектот и костимографијата се на Александар Ношпал, драматург е Соња Здравкова-Џепароска, кореографи се: Ивана Коцевска, Адријана Данчевска, Саша Евтимова, музиката е на Дарија Андовска, Александар Гроздановски и Александар Пејовски (изведба: диригент Сашо Татарчевски со Женскиот младински хор при МКЦ), сценограф е Михајло Стојановски, визуелен уметник – Флоријан Чанга од Албанија, камера и видеомонтажа на филм – Доријан Миловановиќ, мултимедија и графички дизајн – Лазе Трипков.
Поезијата на Шопов, односно истоимениот циклус поезија на сцената на Националната опера и Балет, ќе биде прочитана со јазикот на танцот создаден од тројца македонски кореографи на музика на тројца македонски композитори и другите уметници. Во формат на триптих балетската претстава „Молитви на моето тело“ претставува 90-минутно креативно сплотување на тим од тринаесет уметници, сценски пренесено од првенците, солистите и балетскиот ансамбл на Националната опера и Балет.