Uncategorized
„Звуците на харфата“ – концерт на Мерсиха Шукри

Во Даут пашиниот амам утревечер, со почеток од 20:30 часот, ќе се одржи концерт на Мерсиха Шукри на харфа. Концертот е во рамки на „Скопско лето 2009“
Мерсиха Шукри е родена во Скопје. Своето музичко образование го започнува изучувајќи пијано, а го продолжува во средното музичко училиште МБУЦ “Илија Николовски Луј” на одсекот харфа. Дипломира на ФМУ во Скопје во класата на проф. Лејла Урманова (Русија) како прв дипломиран харфист во Македонија. За време на студиите соработувала со Македонската опера и балет и со Македонската филхармонија. Магистерски студии завршува во Белград во класите на проф. Милица Бариќ и проф. Љиљана Несторовска. Таа е единствениот магистер по харфа во Македонија. Добитник е на повеќе републички и меѓународни награди како солист и како камерен музичар. Редовен учесник е на интернационалниот фестивал за харфа во Белград. Се усовршувала на мајсторските курсеви кај интернационални солисти и професори по харфа, меѓу кои: Кетрин Мишел (Франција), Елизабет Бинош (Франција), Јана Бошкова (Чешка), Ана Левина (Русија), Иван Ронче (Романија), Моника Штадлер (Австрија), Сузан Милдониан (Белгија), Патриција Тасини (Италија), Кетрин Финч (Англија), Ширин Панџаролу (Турција), Фабрис Пјер (Франција), Наталија Шамеева (Русија), Мариел Нордман (Франција) и Изабел Морети (Франција). Како харфист има остварено бројни концерти на „Скопско лето“, „Хераклејски вечери“, „Денови на франкофонија“, „Есенски музички свечености“. Настапувала како солист со Мандолинскиот оркестар „Скопје“ и гудачкиот камерен ансамбл “Арко”. Концертирала и надвор од нашата држава, во Србија, Словенија, Косово, Франција, Унгарија. Минатата година за првпат ја претстави Македонија со учество на 10-от јубилеен светски конгрес за харфа во Амстердам, како дел од најголемиот и најдолг оркестар од харфи и влезе во Гинисовата книга на рекорди. Има остварено аудио и видео снимки за МРТВ. Иницијатор и член е на интернационалното трио „РАСМЕР” – харфа, флејта, виола. Член е на оркестарот „L’art a part“ за филмска музика. Постојан соработник е на Македонската филхармонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.