Uncategorized
Свечено отворено 49-то Охридско лето

Најпрестижната културна манифестација во Македонија, „Охридско лето”, вечерва свечено ја отвори македонскиот претседател и покровител на годинешното 49. фестивалско издание, Ѓорге Иванов
Во пригодното обраќање, претседателот Ѓорге Иванов истакна дека манифестацијата „Охридско лето“ има вонвременска димензија во споделувањето на културната различност.„Секоја наредна година, како што се доближуваме кон половина столетие од постоењето на најголемата летна културна манифестација во Македонија, Фестивалот „Охридско лето”, ја осознаваме се’ повеќе нејзината вистинска природа и нејзините вонвременски димензии. Охридското лето е мост на уметноста и културата во овој дел од светот и духовен континуум на древната охридска традиција на духовен и културен центар“, посочи претседателот Иванов.„Искрено се надевам дека и оваа година овој вечен град ќе се воздигне низ звуците, гласовите и играта на многумина светски познати уметници и креатори, ќе ги задржи и погледите и воздишките на многубројните присутни гости и ќе ги разбранува и оживее сенките и убавините на вечно присутните древни култури“, додаде Иванов.Честа да ја отвори уметничка програма на манифестацијата му е доделена на светски познатиот композитор Енио Мориконе со мега спектаклот “Беше еднаш во Македонија”, во Античкиот театар во Охрид.Италијанскиот композитор Мориконе ќе диригира со унгарскиот филхармониски оркестар „Гјор”, кои ќе изведат колаж дела од неговата авторска музика во филмовите „Добриот, лошиот и грдиот”, „Беше еднаш на Дивиот Запад”, „Беше еднаш во Америка”, „Недопирливите”, и други.Годинава на фестивалот ќе гостуваат музичари од 17 земји. На Охридско лето за прв пат ќе настапат големите класични музичари Березовски, Мидори, Лесковар, како и швајцарскиот пијанист Тео Георгиу, кој со 16 години е најмладиот учесник на годинашното „Охридско лето”.На 4 август во Античкиот театар ќе настапи најголемата светска акапела атракција, култниот вокален состав „The Swingle Singers“. Во рамки на офф-програмата на 25 јули во Охрид ќе настапи големиот џез-музичар Џорџ Бенсон.Фестивалот ќе го затвори Обединетиот европски камерен оркестар. Од домашните уметници ќе ја видиме пијанистката Елена Мисиркова, Македонската филхармонија, Камерниот мешан хор „Св. Климент Охридски” – Македонија, во класичниот дел, како и Драган Даутовски, Каролина и други во рамки на офф-програмата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.