Uncategorized
„Топол културен бран“ по втор пат во Македонија
Во организација на Министерството за Култура на чело со Елизабета Канческа – Милевска и поддршка од градоначалниците на четириесет општини во Македонија, по втор пат ќе се случи културниот бран во кој граѓаните ќе може да уживаат во театарски претстави, концерти и други музички културни настани
На прес конференцијата што се одржа во Владата на Р.Македонија предводена од Министерката за култура, Елизабета Канческа – Милевска и Коце Трајановски моментално активен градоначалник на град Скопје и претседател на Заедницата на единиците на локална самоуправа на Р.Македонија(ЗЕЛС), министерката истакна дека и оваа година ќе се случи „Топол културен бран“ со подготвена програма за четириесет општини во Македонија, а започнува на 20 јули овој месец и ќе трае до 31 август 2009. Програмите ќе опфатат театарски претстави, камерни и симфониски концерти и други музички настани за кои учесниците нема да добијат хонорар, напротив ќе настапуваат по своја волја. Претседателот на ЗЕЛС и активен градоначалник на Скопје, Коце Трајановски и се заблагодари на Владата што го овозможи овој проект по втор пат, и истакна дека ЗЕЛС го поддржува Министерството за култура во оваа реализација. Топлиот културен бран се одржува во втор пат, за прв пат беше реализиран лани и имаше одлични критики од страна на граѓаните. За оваа година во програмата се следниве општини : Скопје, Кичево, Вевчани, Демир Хисар, Струга, Прилеп, Кочани, Тетово, Гостивар, Македонска Каменица, Виница, Струмица и др. На средбата присуствуваа и градоначалниците на општините кои се вклучени во проектот.Градоначалникот на Берово Драги Наџински го подржуѕва овој проект и во врска со реализирањето на истиот изјави:„Поради тоа што Берово е мала општина и некои од граѓаните неможат да си дозволат да ја разбијат секојдневната монотонија, овој проект одлично се спроведува во Берово и во малите општини како што е Берово. Граѓаните можат да се забавуваат и да го избегнат секојдневието“, заврши Наџински.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.