Uncategorized
Цртај, сликја, моделирај
![](https://makfax.com.mk/wp-content/uploads/2016/11/5feea7eb-629e-4f6b-b92f-6d45401d5271-281.jpeg)
Бесплатна ликовна работилница за деца од претшколска возраст и основно образование заедно со нивните родители
На 19 Јули 2009 (Недела) повторно ќе се одржи Бесплатната ликовна работилница за деца од претшколска возраст и основно образование предвидена како активност која ќе се одвива заедно со нивните родители. ИН АРТ Здружението на граѓани ја организира работилницата ЦРТАЈ, СЛИКАЈ, МОДЕЛИРАЈ која е и прва промотивна активност на здружението ИН АРТ, кое со овој настан и официјално ја стартува својата работа.ИН АРТ Здружението на граѓани е ново оформена невладина и непрофитна организација составена од млади и успешни личности, кои секој засебно носат сопствени искуства и квалитети и чија цел е со ова здружение да допринесат културната сцена во Република Македонија да заживее со еден нов животен импулс. Да се поттикне пошироката јавноста и креативните творци да се приближат едни кон други преку разните културни активности кои стојат на располагање, а со тоа од една страна да се задоволи жедта на публиката т.е. јавноста за културен живот и културни случувања, а од друга страна да им се даде можност на уметниците и авторите да се искажат пред истата таа јавност.Работилницата ЦРТАЈ, СЛИКАЈ, МОДЕЛИРАЈ ќе започне 10.30 часот а ќе заврши во 16 часот и ќе се одвива на отворено меѓу зградите од градскиот ѕид и зелениот пазар, пред галеријата АРТ ВЕДА.Целта на оваа работилница е да се поттикнат креативните процеси кај најмладите преку заеднички активности и игра со нивните родители, преку дружење со други деца и преку запознавање со ликовната уметност, а со тоа и стекнување на нови вештини што би им отвориле нови гледишта за светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.