Насилствата во Ирак продолжуваат, денешниот биланс изнесува 60 мртви и покрај апсењето на еден од водачите на ирачката вооружена група „Ансар ал Суна“, која се смета дека е поврзана со „Ал Каеда“.

Насилствата во Ирак продолжуваат, денешниот биланс изнесува 60 мртви и покрај апсењето на еден од водачите на ирачката вооружена група „Ансар ал Суна“, која се смета дека е поврзана со „Ал Каеда“.

Но, и покрај ваквата ситуација, ирачкиот претседател Џалал Талабани изјави во Париз дека очекува странските сили, предводени од Американците, да се повлечат од неговата земја во рок од две до три години.

„Сметам дека ни е потребно уште време, се разбира неколку години, а не триесет, за време на кои ирачките воени сили би биле во состојба сами да ја гарантираат безбедноста во целата земја“, рече Талабани.

Според него, „две до три години би биле доволни за обнова на ирачките воени сили, по што би можеле да им се заблагодариме на нашите пријатели“.

Во серијата денешни напади во Ирак се убиени 21 лице, од кои 7 полицајци. Освен тоа во последните 24 часа во багдадските квартови Русафа и Карах беа откриени телата на 35 лица со траги од мачење.

Дванаесет лица, од кои три полицајци, загинаа во неколку напади на бунтовници и атентати во реонот на Бакуба, северно од Багдад.

Во Багдад се убиени деканот на Факултетот за економија и администрација Џасем Мохамед ал Дахаби, неговата сопруга и синот. Во напад на бунтовници на полициско возило во Багдад загинаа три полицајци. Експлозија на бомба на багдадскиот пазар Ал Џадида уби едно лице и рани други 22. Во два одделни напади во Киркук беа убиени полицаец и аптекарка.

Ирачката полиција паралелно, соопшти дека заменик раководителот на „Ансар ал Суна“, Нахид Ахмед Џирџир, бил уапсен денеска во селото Рабидха, на 40 километри од Киркук, при спроведување на американско – ирачка акција.

/макфакс/