Демократите освоија мнозинство од најмалку 228 места во Претставничкиот дом на американскиот Конгрес, а Републиканците 192, покажуваат првичните, нецелосни резултати од изборите во САД, одржани вчера.

Демократите освоија мнозинство од најмалку 228 места во Претставничкиот дом на американскиот Конгрес, а Републиканците 192, покажуваат првичните, нецелосни резултати од изборите во САД, одржани вчера.

“Од едниот до друг брег, американскиот народ гласаше за промени. Создававме историја, а сега одиме кон напредок“, изјави претставничката од редот на демократите во Калифорнија Ненси Пелоси, која е на “пат“ да стане прва жена-претседател на Домот.

Белата куќа најави дека американскиот претседател Џорџ Буш денеска би требало да го повика идниот претседател на Домот.

Републиканците, кои после 12 години ја губат власта во американскиот Конгрес, изгубија речиси во сите области во државата – конзервативни, либерални или умерени, како и во различни подрачја – градски, селски и приградски.

Досегашните републикански “упоришта“, државите Њујорк, Охајо, Мериленд, Масачусетс, Колорадо и Арканзас, им припаднаа на демократите, додека во Калифорнија за гувернер повторно е избран републиканскиот кандидат и познат актер Арнолд Шварценегер.

Од 36 гувернерски места, за кои вчера се гласаше, демократите повторно се избрани во Илиноис, Мичиген, Пенсилванија, Њу Хемпшир, Оклахома, Вајоминг, Њу Мексико, Канзас, Висконсин, Аризона, Орегон и Тенеси.

“Американскиот народ гласаше за промена, за тоа демократите да ја однесат државата во нов правец“, изјави Пелоси пред стотина симпатизери во Вашингтон.

Таа вети дека на Конгресот ќе му го врати интегритетот и чесноста, и додаде оти “демократите ветуваат дека на непристрасен начин ќе работат заедно за сите Американци“.

Според јавното мислење, бирачите најмногу се определиле за демократите незадоволни од работата и кампањата што Буш ја води во Ирак.

Една третина од испитаниците наведува дека корупцијата влијаела врз нивниот избор да се определат за демократите.

/Крај/бе/ис/б