Популарните филмски сензации “Avatar” и “The Hangover”, ги подигнаа главните златни глобуси во неделата на церемонијата која пројде во знак на жртвите од неодамнешниот земјотрес на Хаити

Акциската авантура „Аватар“, чии 3-D ефекти ги воодушевија критичарите и фановите и заработи 1.6 билиони долари од кино салите ширум светот, е прогласен за најдобар филм во категоријата драма додека режисерот на филмот, Џејмс Камерон, ја зема наградата за најдобар режисер на годината.„3-D е иднината. Едното нешто кое ‘Аватар’, може да го направи поради својот успех – е да им се даде на другите филмаџии да размислуваат да работат со 3-D,“ изјави Камерон за новинарите.За најдобар актер во истата категорија прогласен е Џеф Бриџис за улогата на кантри пејач во „Crazy heart“, а  за најдобра актерка Сандра Булок во „The Blind Side“. “The Hangover”, филмот за момците кои одат на одмор во Лас Вегас и таму ништо не им оди од рака, ја зема наградата за најдобра филмска комедија. Наградата за најдобро постигнување за актер кој глуми во комедија или мјузикл ја зеде Роберт Дауни Џуниор за„Шерлок Холмс“, додека најдобра актерка во истата категорија е Мерил Стрип за „Julie & Julia“. Најдобар странски филм e германскиoт „Бела лента“ на Михаел Ханеке, кој минатиот месец во Бохум е прогласен за најдобар европски филм.Почесната награда „Сесил Б. Де Мил“ за животно дело му е доделена на режисерот Мартин Скорсезе. Но сепак оваа година се чинеше дека холивудските ѕвезди не мислеа многу на наградите поради неодамнешната катастрофа што се случи на Хаити. Неколку од ѕвездите, во своите говори ги споменаа луѓето на Хаити и многу од ѕвездите носеа жолти, сини и црвени ленти како знак на подршка спрема жртвите.