Uncategorized
Буш со нова стратегија за Ирак

Американскиот претседател Џорџ Буш денеска треба да го одржи долго очекуваниот говор во кој ќе објави резултати од двомесечна потрага по нова стратегија во Ирак.
Американскиот претседател Џорџ Буш денеска треба да го одржи долго очекуваниот и да ги соопшти резултатите од двомесечна потрага по нова стратегија во Ирак.
Притоа се очекува претседателот Буш, покрај барање за испраќање дополнителни 20.000 војници, од Конгресот да побара и повеќе стотици милиони долари наменети за проекти за обнова на Ирак
Портпаролот на Белата куќа Тони Сноу изјави дека “претседателот ќе соопшти пат кој води кон победа во Ирак”. Многумина, не го делат ова мислење, оценуваат дека тоа ќе биде веројатно најзначаен и сигурно најтежок говор на Буш откако влезе во Белата куќа.
Истражувањата на јавното мислење покажуваат дека Буш има поддршка на само една третина од Американците, а дека само секој десетти Американец поддржува испраќање дополнителни војници во Ирак.
Се очекува, главните цели на планот што претседателот Буш треба да гим соопшти денеска, во говорот до нацијата, ќе бидат прекин на насилствата и воспоставување безбедност во Ирак.
Од друга страна, новото демократско мнозинство во Конгресот, веќе го предупреди Буш дека поддржува американски сили во Ирак, но не и нивно зголемување.
„Секогаш ќе ги поддржуваме нашите војници, но доколку претседателот сака да ја прошири таа мисија ќе мора да разговара со Конгресот. Не постои бланко дозвола тој да може да работи таму што сака“, изјави ноциот претседател на Конгресот Ненси Пелоси.
Кампањата за придобивање на јавноста за својата изменета стратегија во Ирак, Буш ќе ја почне веднаш по говорот до нацијата. Тој веќе в четврток ќе посети една од најголемите воени бази во земјата Форт Бенинг, во сојузната држава Џорџија.
/крај/б/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.