Uncategorized
ЕК го објави планот за новата енергетска политика на Унијата
Стартегиски план за нова заедничка енергетска политика на Европската унија(ЕК), со драстични промени, објави денеска Европската комисија(ЕК).
Стартегиски план за нова заедничка енергетска политика на Европската унија(ЕК), со драстични промени, објави денеска Европската комисија(ЕК).
Намалување на емисијата на штетните гасови што го предизвикуваат ефектот „стаклена градина“ за 20 отсто до 2020 година и зголемување на производството на енергија од обновливи извори, се меѓу поглавните измени што треба да станат составен дел на идната долгорочна политика на ЕУ.
Акциониот план – прв ваков сеопфатен стратегиски документ на Унијата, го претставија претседателот на ЕК Жозе Мануел Дурао Баросо и еврокомесарот за енергија Андре Пибалгс.
„Новата политика ни е потребна за се соочиме со новата реалност-политика што ќе ја задржи конкурентноста на Европа, ќе ја заштити нашата околина и снабдувањето со енергија ќе го направи многу посигурно“ – изјави Баросо.
Пибалгс подвлече од своја страна, дека со документот се предвидува до 2020 година, 20 отсто од енергијата што ќе ја троши Унијата да биде произведена од обновливи извори, а 10 отсто од возилата што се регистрирани во ЕУ да употребуваат биодизел како погонско гориво.
Со документот се предвидува и политика на Унијата кон трети земји, со барање за намалување на штетните гасови во атмосферата за 30 отсто до 2020 година.
Три основни сфери се опфатени со првиот Акционен план на Унијата: изградба на вистински либерализиран и единствен внатрешен енергетски пазар, забрзување на намалувањето на штетните гасови и зголемување на енергијата за 20 отсто од обновливи извори.
Новиот документ треба да биде одобрен од Владите на земјите членки на ЕУ пред да стапи во сила. ЕУ министрите за енергетика за планот најверојатно ќе расправаат во март годинава.
/крај/ббц/тб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Полскиот премиер: Ако видите германски војници, не паничете
Најлошите поплави што ја погодија централна Европа во најмалку две децении оставија страшна трага на уништување од Романија до Полска, со тони кал и урнатини во градовите, уништени мостови, потопени автомобили и на крајот од драмата во срцето на Европа, сметките за штети ќе се мерат во милијарди долари.
Градовите јужно од Вроцлав, како што е Левин Брзески, веќе ја почувствуваа целата сила на поплавите принудувајќи ги жителите да минуваат низ водата до половината или да бараат засолниште на покривите на зградите.
Германија им дојде на помош на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
“If you see German soldiers, don’t panic. They’re here to help,” says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
За време на германската окупација 6 милиони Полјаци ги загубија животите, а повеќе од илјада села и градови беа срамнети со земјата.
Uncategorized
(Видео) Во БиХ падна првиот снег
Во Босна и Херцеговина падна првиот снег на планините Бјелашница, Јахорина и Влашиќ. До утрово остана само на Јахорина, покажуваат веб-камерите.
Според прогнозите на Федералниот хидрометеоролошки завод денеска во БиХ ќе биде претежно облачно.
Претпладне се очекуваат врнежи од дожд низ земјата, а на планините можен е и слаб снег.
Вака изгледаше Бјелашница синоќа.
Uncategorized
„Како политичари, наша задача е да ги насочуваме нашите народи кон иднина што ги надминува историските предизвици и ја прифаќа колективната европска судбина“, Муртезани на БИФ форумот во Подгорица
Министерот за европски прашања, Орхан Муртезани, попладнево учествуваше на „Балканскиот интегративен форум 2024“ (BIF2024), кој од 12-ти до 14-ти септември 2024 година, се одржува во Подгорица, Црна Гора.
На панелот со тема „Политички и технички преглед на процесот на интеграции во ЕУ на секоја од земјите на Западен Балкан“, министерот Муртезани се осврна на комплексниот евроинтегративен пат, кој има огромно политичко и економско значење за Западен Балкан.
„Овој процес, кој ја поврзува иднината на нашиот регион со визијата за обединета Европа, не е само бирократска вежба на исполнување зададени обврски; туку е чисто политички потфат. Претставува егзистенцијален избор, кој има за цел да ги преструктуира општествата, да поттикне стабилност и да ги вгради начелата на демократијата, владеењето на правото и заедничкиот просперитет во ткивото на нашите нации.“ – нагласи Муртезани.